Sahibləri pensiya kartı ilə marketlərdən alış-veriş edə biləcək
11-11-2013
21:26
Azərbaycan Beynəlxalq Bankında xidmət olunan bütün pensiya kartlarına 100 manat məbləğində faizsiz kredit limiti açılıb.
Pensiyaçı ona ayrılmış bu limiti ATM də nağdlaşdıra bilməz, yalnız layihə çərçivəsində ABB ilə müqavilə imzalamış ticarət obyektlərində (supermarketlər, apteklər) istədiyi zaman xərcləyə bilər.
Yaranmış borc növbəti ay pensiyaçının kartına mədaxil olunacaq pensiya vəsaiti hesabına bağlanır. Yalnız bundan sonra kredit limiti yenidən avtomatik olaraq aktivləşəcək. Azərbaycan Beynəlxalq Bankında xidmət olunan bütün pensiya kartları (yalnız DSMF – yə məxsus olan kartlar, ƏƏSMN-ə məxsus kartlar istisna olmaq şərti ilə) avtomatik şəkildə layihəyə qoşulur.
Hazırda proqrama qoşulmuş ticarət subyektləri bunlardır: “ARAZ” supermarketlər şəbəkəsi, “Makro Market” supermarketlər şəbəkəsi, “Riyadfarm” apteklər şəbəkəsi. Gələcəkdə ticarət obyektlərinin sayının davamlı şəkildə artırılacağı gözlənilir. (ictnews.az)
