“SpaceX” şirkəti gələcəkdə “Starship” kosmik sisteminin köməyilə ildə 10 milyon tona qədər yükü orbitə çatdırmağı planlaşdırır.
Xeberler.az məlumat verir ki, bu barədə “SpaceX”in rəhbəri İlon Mask şirkətin rüblük hesabatının açıqlanmasının yekunlarına dair audiokonfransda bildirib.
“Hazırda “Falcon” vasitəsilə ildə təxminən 2,5 min ton yükü orbitə çatdırırıq. Yerdə qalanlar hamısı birlikdə isə təxminən 300 ton yük daşıyır. Beləliklə, Yer kürəsindən orbitə çıxarılan bütün yüklərin 80-90 faizi bizim payımıza düşür. Hesab edirik ki, “Starship” bizə ildə bir milyon tondan çox yükü orbitə çatdırmağa, son nəticədə isə bu göstəricini ildə 10 milyon tona çatdırmağa imkan verəcək”, - deyə İlon Mask qeyd edib.
İyul ayında “SpaceX” şirkəti “Starship” kosmik gəmisinin prototipi ilə daşıyıcı raketi 13-cü sınaq uçuşuna göndərib. Şirkət ilk dəfə gəminin bölməsindən V3 versiyasına aid 20 “Starlink” peykini orbitə çıxarmağa nail olub. Bundan sonra “Starship” Hind okeanına uğurla enib.
Şirkətin planlarına əsasən, “Starship” kosmik sistemi universal olacaq və ondan müxtəlif versiyalarda Yerətrafı orbitə pilotlu uçuşlar, peyklərin orbitə çıxarılması, həmçinin Aya və Marsa, daha uzaq göy cisimlərinə missiyalar üçün istifadə edilə biləcək.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları