«Beeline» şirkəti «Azerfon» şəbəkəsində beynəlxalq rouminq xidmətlərinə başlayıb

16-03-2009 / 14:25


Rusiyanın «Beeline» şirkəti GSM 1800 standartında fəaliyyət göstərən Azərbaycanın «Azerfon» mobil rabitə operatorunun («Nar Mobile» ticarət nişanı) şəbəkəsində beynəlxalq rouminq xidmətləri göstərilməyə başlayıb.

Məlumata görə, «Beeline» abunəçiləri Azərbaycanda «Azerfon»un şəbəkəsini seçərək 400 04 kodunu yığmaqla və ya telefonun avtomatik şəbəkə seçimi imkanını aktivləşdirərək rouminqdən istifadə edə bilərlər.

Qeyd edək ki, «Beeline» şirkəti ötən ildən 16 xarici operatorla rouminq rabitəsi yaradıb. Hazırda şirkətin müqaviləli abunəçiləri üçün rabitə Qvineya, Serbiya, İsrail, Banqladeş, Braziliya, Madaqaskar, İspaniya, Azərbaycan və Çernoqoriyada təklif edilir.

Xatırladaq ki, Azərbaycanın üçüncü mobil operatoru olan «Azerfon» şirkəti 2007-ci ildə fəaliyyətə başlayıb, hazırda Azərbaycanın 90%-ni əhatə edir və 1 mln-dan çox abunəçisi var.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.