Azərbaycanın üçüncü mobil rabitə operatoru “Azerfon” şirkəti 3G texnologiyası üzərindən yeni xidmətlər təqdim etmək üçün Rabitə və İnformasiya Texnologiyaları Nazirliyinin müvafiq lisenziyasını alıb.
Şirkətin baş direktoru Gido Helbix APA-ya bildirib ki, yaxın günlərdə şirkət ilk 3G xidmətlərin göstərilməsinə start verəcək. Xidmətlər 2.1 Ghz diapazonunda olan tezliklərdə göstəriləcək.
Qeyd edək ki, xidmətlər xüsusi olaraq tərtib edilmiş tarifikasiya planı üzrə təqdim ediləcək və ilkin məlumata görə, qiymətləri münasib olacaq. İstisna edilmir ki, “Azerfon” şirkəti ilk gündən təkcə Bakı və Abşeronda deyil, ölkənin regionlarında da 3G xidmətləri göstərəcək. Şirkət bu layihə üzərində uzun müddət ərzində işlədiyinə görə artıq Azərbaycanın bir çox regionlarında 3G baza stansiyaları quraşdırılıb.
3G xidmətlərinin tətbiqinə başlandıqdan sonra istifadəçilər səs ötürülməsi ilə yanaşı, video görüntü, yüksək sürətli mobil internet və məlumat ötürülməsi, e-poçt, mobil televiziya və s. xidmətlərdən yararlana biləcəklər.
Xatırladaq ki, “Azerfon” şirkəti kommersiya fəaliyyətinə 2007-ci ildən başlayıb. “Azerfon” şəbəkəsi Azərbaycan ərazisinin 80%-ni əhatə edir və 1,5 mln. abunəçiyə xidmət göstərir. Bu ildən etibarən “Azerfon” “Vodafone PLC” şirkətinin qeyri-səhmdar tərəfdaşıdır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri