Abdulla Şaiqin web-saytı fəaliyyətə başladı

09-12-2009 / 11:40

Daha çox uşaqların sevimli şeirlərinin müəllifi kimi tanınan Abdulla Şaiqin yeni web-saytı fəaliyyətə başladı. Sayt Azərbaycan Dövlət Mədəniyyət və İncəsənət Universiteti və Şairin ev müzeyinin təşəbbüsü ilə “IT Service” MMC tərəfindən təmənnasız hazırlanıb. Saytda şairin həyat və yaradıcılığı geniş əks olunmuşdur. Burada şairin yazıları, şeirlərinə bəstələn mahnılar, şəkil, musiqi, video qalereyası, cizgi filmləri və şair haqqında digər bütün məlumatlar yerləşdirilmişdir.

Sayt şairin ev müzeyində press-konfransla mətbuata və Şaiqsevərlərə təqdim olundu. Təqdimatı giriş sözü ilə açan mənzil müzeyinin direktoru Ülkər Talıbzadə dəvət olunan qonaqları və mətbuatı salamlayaraq, Azərbaycan Mədəniyyət və İncəsənət Universitetinə, xüsusilə də Universitetin baş müəlliməsi Nəzirə Əliyevaya, layihədə əziyyəti olan tələbə heyətinə və “IT Service” MMC-nin baş direktoru Şahmar Bayramlıya xüsusi təşəkkürünü bildirdi, daha sonra sözü Nəzirə Əliyevaya verdi.

Saytın yaradılması mərhələlərinə toxunan Nəzirə Əliyeva, bununla yanaşı iş prosesi haqqında ətraflı məlumat çatdırdı.

Sayt haqqında daha geniş məlumatı isə Sevda Əhmədova xüsusi slayd-təqdimat ilə təqdim etdi.

Daha sonra “IT Service” MMC-nin baş direktoru Şahmar Bayramlı Azərbaycanda internet resurslarının mövcud vəziyyətinə toxunaraq, Azərbaycan mədəniyyətini dünyaya təqdim etmək naminə digər web-studiyoları da bu cür aksiyaları davam etdirməyə dəvət etdi.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə