TƏDBİRLƏR

ASAN Könüllüləri Təşkilatının təşkilatçılığı və Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının maliyə dəstəyi ilə Gənclər arasında milli-dini dözümlülük, sülhsevərlik və humanism dəyərlərinin təbliği məqsədilə tədbirlərin təşkili layihəsinə start verilib.

Xeberler.az bildirir ki, 17 avqust 2018 -ci il tarixində Masallı ASAN həyat kompleksində layihənin açılış mərasimi keçirilib.

Belə ki, tədbirdə iştirakçılara layihə haqqında məlumat verilib. Həmçinin Şəhadət filminin nümayişi və müzakirəsi keçirilib. Layihənin məqsədi gənc nəsillərə Azərbaycanın dövlət siyasəti olan dini dözümlülüyü, milli-mənəvi dəyərləri, tolerantlıq nümunələrini düzgün şəkildə təbliğ etmək, ölkəmizdə dinlərarası nümunəvi əlaqələri, əsrlərdən bəri formalaşan köklü bir ənənəni, qarşılıqlı hörmət və əməkdaşlığı onlara çatdırmaq, o cümlədən radikal dini cərəyanlara qarşı mübarizəni və tolerantlığı təmin etməkdir.

Qeyd edək ki, 5 regionda yaşayan 16-25 yaş aralığında olan gəncləri əhatə edəcək layihə çərçivəsində dini dəyərlərin təbliği mövzusunda lentə alınmış fotolardan ibarət sərgi keçiriləcək. Həmçinin vətənpərvərlik, sülhsevərlik, humanizm dəyərlərinin təbliğinə həsr olunmuş filmlər nümayiş olunacaq.

Xeberler.az