STARTAP AZƏRBAYCAN

Azərbaycanda ilk dəfə beynəlxalq Startup Akademiyası təşkil ediləcək.

Azərbaycan Respublikası Prezidenti yanında Gənclər Fondunun maliyyə  ASAN Könüllüləri Təşkilatının təşkilati dəstəyi ilə “I Beynəlxalq Startup Akademiyası : Gəncə 2016” layihəsi həyata keçiriləcək.

Gəncə şəhərində keçiriləcək layihədə 20-i xarici olmaqla ümumilikdə 40 gənc iştirak edəcək.

ASAN Könüllüləri-dən Xeberler.az-a verilən məlumata görə, 20 gənc digər Avropa ölkələrindən müraciət edəcək. 40 gənc isə sırf iştirakçı olacaq. Bu gənclər arasında həmyerlilərimiz də iştirak edə biləcək.

Qeyd edilib ki, gələn həftədən artıq layihəyə qeydiyyat formu da Təşkilatın saytında yerləşdiriləcək. 

Layihə çərçivəsində yerli və xarici ekspertlərdən ibarət olan təlimçilər qrupu  innovativ-texnoloji layihələrin yaradılması, inkişaf elətdirilməsi mövzusunda öyrədici və istiqamətləndirici təlimlər aparacaq və gənclərin bu sahədə ideyalarını həyata keçirmək üçün qarşılarına çıxan problemlərin həll edilməsinə birbaşa köməklik göstərəcək.

Startap  sahəsində təcrübə qazanmaq istəyən yerli və xarici gəncləri əhatə edəcək  “I Beynəlxalq Startup Akademiyası : Gəncə 2016” layihəsinin əsas məqsədi innovasiyalar sahəsinə gənclərin marağını artırmaq, yeni texnoloji layihələrin yaradılmasına dəstək göstərmək,  yerli və xarici iştirakçılar arasında ideya mübadiləsini stimullaşdırmaq , startap mədəniyyətini təbliğ etmək, potensial ideyaların reallaşdırılması məqsədi ilə beynəlxalq və yerli donorlar tərəfindən təcrübə və texniki dəstək imkanlarını yaratmaqdır.

Məltəm Talıbzadə