Azərbaycanda istifadə olunan internet-trafikin həcmi artıb

18-01-2016 / 10:58

 Delta Telecom şirkətinin şəbəkəsi üzrə ölkəyə daxil olan internet trafikin həcmi keçen ilin noyabr ayı ilə müqayisədə 11 faiz artaraq 200 Gbit/saniyə təşkil edib.

Xeberler.az-ın Delta Telecom-dan aldığı məlumata görə, şəbəkənin yüklənmə dinamikası günün vaxtlarından asılı olaraq dəyişilir və ən böyük yüklənmə axşam saatlarına (saat 20:00 – 23:00, 200 Gbit/saniyə) düşür.

Qeyd edək ki, Delta Telecom şirkətinin trafiki 25 provayder (dövlət və özəl internet-provayderlər, mobil rabitə operatorları və digərləri) arasında bölüşdürülür.

Yanvarın 15-nə olan internet provayderlərin interaktiv qrafikinə əsasən, genişzolaqlı internet xidmətləri bazarında Bakinternetin xüsusi çəkisi  5 faiz artaraq 35.7 faiz bazar payı ilə liderdir.

İkinci yeri 9.4 faiz bazar payı ilə Aztelekom, üçüncü yeri isə 8.8 faizlə  Uninet şirkəti təşkil edib.

Bundan başqa Ag-Telecom 8.3 faiz, Azercell 7.8 faiz,  Dataplus 4.6 , Connect-3.5, Castel-3.3 faiz bazar payı təşkil edib.

Onların ardınca 2.64 faiz  bazar payı ilə Ultel, 2.63  faiz bazar payı ilə Azstarnet, 2.5 faizlə Smart-Systems, 2 faiz bazar payı ilə isə Alfanet şirkəti qərarlaşıb.

Digər provayderlər isə bazarda çox kiçik 0,01–1,31 faiz  ətrafında paya malikdirlər.

Ümumilikdə ölkədə hazırda 30-dan çox internet provayder fəaliyyət göstərir.

Ağasəf Haqverdiyev


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.