İnternet trafikin həcmi aşağı düşüb

18-08-2015 / 22:46

Delta Telecom şirkətinin şəbəkəsi üzrə daxil olan internet trafikin həcmi iyun ayı ilə müqayisədə iyul ayında 58,6 faiz azalıb və 60 qiqabit təşkil edib.

Xəbərlər-in verdiyi məlumata görə, bu barədə şirkətin hesabatında məlumat verilir.

Şəbəkənin yüklənmə dinamikası sutkanın saatlarından asılı olaraq dəyişir. Ən böyük yüklənmə - 60-70 qiqabit gecə saatlarına (21:00 – 00:00) təsadüf edir. Səhər saatlarında bu göstərici 5 qiqabitə kimi enir.

Delta Telecom-un məlumatına əsasən, iyun ayı ilə müqayisədə iyul ayında çıxan trafikin həcmi 50 faiz aşağı düşərək 10 qiqabit təşkil edib.

Avqustun 15-ə olan məlumata görə, son istifadəçiyə kimi çatdırılan ən böyük internet trafikin həcmi dövlət provayderi BakinterNet-in (26,51 faiz) payına düşüb. İkinci yerdə 19,86 faizlə Aztelekom, üçüncü yerdə isə 9,5 faizlə Uninet gəlir.

Qalan 44,13 faiz aşağıdakı şirkətlər tərəfindən istifadə edilib: AlfaNet, Azintex, Eurotelecom, Smart Systems, AG Telecom, Azedunet, Caspel, QlobalNet, Ultel, Avirtel, AzStarNet, Castel, MegaTelecom, Azerin, Stellford, Nakhchivan, Azeronline, Azqtel, DATAPlus, Azərbaycan Rabitə və Yüksək Texnologiyalar Nazirliyi Məlumat Hesablama Mərkəzi, AzEuroTel, Bakcell, Eurocel və TransEuroCom.

 

Xeberler.az

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.