TƏNZİMLƏMƏ

Azercell şirkəti  müştərilərinə reklam\məlumat xarakterli SMS-lərdən istifadə və ya imtina imkanlarının olmasını bir daha xatırladır və onlara istədikləri SMS-ləri məzmun, xidmət növü və digər kriterilərə dair seçmək imkanı verir.

Məlum olduğu kimi , abunəçilərə müştərisi olduğu mağazalar şəbəkəsi, bank və ya digər müəssislərdən onların xidmətləri haqqında  SMS-lər göndərilməsi halları mümkündür. Abunəçilərə adətən müvafiq məzmunlu SMS almaq istəmədiyi halda müştərisi olduğu mağazalar şəbəkəsinə və ya banklara müraciət etmək tövsiyə edilir.

Şirkətdən Xeberler.az-a verilən məlumata görə, abunəçilər müxtəlif qısa nömrələr vasitəsi ilə təqdim edilən reklam\məlumat xarakterli SMS-lərindən imtina etmək üçün “STOP” sözünü 5010 qısa nömrəsinə göndərməklə (SMS-lər ödənişsizdir) müxtəlif məzmun təminatçısı olan təşkilatların göndərdikləri reklam/məlumat xarakterli SMS-lərin alınmasından imtina edilə bilər.

Bir çox hallarda isə abunəçilər belə SMS-ləri almaqda maraqlı olur. Çünki məhz belə SMS-lər vasitəsi ilə, hansısa kampaniyaların keçirilməsi, endirimlərin olması, müəyyən sahəyə aid əlverişli xidmətlər haqqında xəbər əldə etmək olur. Çox zaman müştərilər belə SMS-lər sayəsində maraqlı təkliflərdən xəbərdar olurlar.

Bu baxımdan Azercell Telekom MMC öz abunəçiləri üçün müxtəlif qısa nömrələr vasitəsi ilə təqdim edilən  SMS-ləri süzgəcdən keçirmək, məhz arzu etdiyi SMS-lərin qəbul edilməsinə imkan yaradır.

İndi abunəçilər yalnız onları maraqladıran brendlərdən ibarət olan siyahı hazırlaya bilərlər. Bunun üçün hər bir abunəçi maraqlandığı brendin adını 5010 qısa nömrəsinə (SMS-lər ödənişsizdir) göndərməlidir. Siyahının ləğv edilib bütün reklam\məlumat xarakterli SMS-lərin qəbulunu yenidən bərpa etmək üçün abunəçi “START” sözünü 5010 qısa nömrəsinə (SMS-lər ödənişsizdir) yazıb göndərə bilər. 

Sevinc Əsədova