Azərmarka Azərbaycanın ilk təyyarəçi qadınına həsr olunmuş marka təqdim edib

23-09-2009 / 18:02

Azərbaycan Rabitə və İnformasiya Texnologiyaları Nazirliyinin Azərmarka şirkəti ilk azərbaycanlı təyyarəçi qadın Leyla Məmmədbəyovanın 100 illiyinə həsr olunmuş yeni marka təqdim edib.

Şərqin ilk qadın təyyarəçisi kimi tanınan Leyla Məmmədbəyova sənət təhsilini Bakı aeroklubunda almış və ilk uçuşunu 1931-ci ildə yerinə yetirmişdir. Yetkinlik yaşına çatmamış dörd uşaq anası (uşaqlarının sayı cəmi altı nəfər idi) mayor Məmmədbəyovanın Böyük Vətən müharibəsində iştirakından imtina edildi. Aeroklubun bağlanmasına görə o, desantçı və paraşütçü kurslarını tədris etməyə icazə almışdır. O, müharibə illəri ərzində yüzlərlə desantçı və 4 min paraşütçü hazırlayıb cəbhəyə yollamışdır.

Onların arasında iki nəfər Sovet İttifaqı Qəhrəmanı adına layiq görülmüşdür. L. Məmmədbəyova təyyarəçi karyerasını 1949-cu ildə son uçuş ilə başa çatdırmışdır. 100 tirajla buraxılmış markaların nominal dəyəri 20 qəpik təşkil edir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.