Bakıda "Təhlükəsiz Hökumət Buludu" tədbiri baş tutub

03-03-2020 / 11:17

II Beynəlxalq “Kibertəhlükəsizlik həftəsi” çərçivəsində “AzInTelecom” MMC-nin  təşkilatçılığı ilə “Təhlükəsiz Hökumət Buludu” mövzusunda tədbir keçirilib.

"APA-Economics"in məlumatına görə, tədbirin məqsədi “Hökumət Buludu” layihəsinin əhəmiyyəti və həyata keçirilən təhlükəsizlik tədbirlərinin ictimaiyyətə çatdırılmasıdır.

Tədbirdə “Hökumət Buludu” layihəsinin icrası üzrə görülmüş işlər, məhsullar, xidmətlər və gələcək planlar təqdim olunub.

Bu sahədə aparılan islahatlar, dövlət və biznes strukturlarının, təşkilatların və fərdi şəxslərin formalaşmış elektron informasiya resurslarının qorunması üsulları və mövcud kibertəhdidlər haqqında məlumat verilib.

 

Eyni zamanda, “AZCLOUD” bulud provayderinin təqdim etdiyi məlumatların rezervlənməsi, təhlükəsiz bulud xidmətləri, saxlanılan məlumatların itkisinin qarşısının alınması kimi məsələlər barədə təqdimatlar nümayiş olunub.

 

Tədbirdə “Hökumət Buludu Konsepsiyası və beynəlxalq təcrübə”, “Bulud texnologiyaları və Hökumət Buludu ilə tanışlıq”, “AZCLOUD hökumət həlləri: cari status, miqrasiya planı və təhlükəsizlik”, “Dövlət informasiya resurslarında təhlükəsizlik tədbirləri” mövzularında məruzələr edilib.

 

Qeyd edək ki, “Kibertəhlükəsizlik həftəsi” sahə üzrə əlaqəli fəaliyyətin səmərəliliyinin artırılması və maarifləndirmə səviyyəsinin yüksəldilməsi məqsədilə Nəqliyyat, Rabitə  və Yüksək Texnologiyalar Nazirliyi tərəfindən ikinci ildir keçirilir.

 

1 / 2

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə