BANM komandası yenidən NASA-da Azərbaycanı təmsil edəcək

11-10-2022 / 10:35

Bakı Ali Neft Məktəbinin (BANM) komandası növbəti dəfə Azərbaycanı "NASA Human Exploration Rover Challenge" (NASA HERC 2023) müsabiqəsində təmsil etmək hüququ qazanıb.

Xeberler.az məlumat verir ki, ümumilikdə 15 nəfərdən ibarət BANM-in ULVI komandası seçim turunu uğurla yekunlaşdırıb. Beləliklə, onlar müraciətlərinin ikinci ilində də Azərbaycanı növbəti dəfə təmsil etmək hüququ əldə ediblər.

Müsabiqədə Azərbaycanla yanaşı, ABŞ, Kanada, Sinqapur, Braziliya, Meksika, Dominikan Respublikası, Peru, Kolumbiya, Puerto-Riko, Hindistan və Boliviya kimi ölkələrdən ümumilikdə 61 komanda iştirak edəcək. BANM-in komandası yarışda Azərbaycanı təmsil edən yeganə komandadır.

ULVI komandasında təmsil olunurlar: Aygül Musayeva (komanda məsləhətçisi), Nihad Həbizadə (komanda lideri), Cavid İsayev, Anar Alızadə, Şəmistan Lətifov, Çingiz Məmmədov, Turan Səfərova, Fərid Qəhrəmanov, Leyla Osmanova, Əli İbrahimov,

Ağa Qurbanov, Rüstəm Qarayev, Nigar Abdullayeva, Aysu İsmayılova, Elmir Hacızadə.

“NASA Human Exploration Rover Challenge” hər il orta məktəb şagirdləri və universitet tələbələri üçün simulyasiya edilmiş Ay və Mars ərazisi üzərində insan gücü ilə işləyən, qatlana bilən nəqliyyat vasitələrinin dizaynı, qurulması və yarışının cəmləndiyi bir müsabiqədir. Ötən il də BANM tələbələri NASA HERC tarixində ilk dəfə Azərbaycanı finalda təmsil edərək sertifikatla təltif olunmuşdular.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə