Belarusda ödənişli elektron poçt xidməti istifadəyə verilib

05-01-2021 / 18:42

Belarusda ödənişli dövlət elektron poçt xidməti istifadəyə verilib.

Xeberler.az bildirir ki, bu barədə Belarus Rabitə və İnformasiya Nazirliyinin açıqlamasında deyilir.

Bu xidmətin ənənəvi elektron poçt xidmətlərindən fərqi ondan ibarətdir ki, göndərilən hər elektron məktub ödənişli olacaq. Ödəniş təkcə məktub göndərməyə görə tutulmayacaq. Belə ki, əgər göndərən tərəf məktubun alıcısı tərəfindən alındığı barədə bildiriş almaq istəsə, bunun üçün əlavə ödəniş etməli olacaq, üstəlik hər bildiriş ayrıca ödənilməlidir.

Xidmət ölkənin dövlət poçt operatoru olan "Belpoçta" tərəfindən göstəriləcək. Müəssisənin rəsmi internet səhifəsində hər bir məktubun göndərilməsi 0,42 Belarus rubluna (0,28 manata) başa gələcəyi bildirilir.

Sifarişli elektron məktubun göndərişi isə 1,5 Belarus rublu (0,98 manat) olacaq. Məktubun alınması barədə bildiriş isə təxminən 0,25 manat dəyərində qiymətləndirilir.

Xidmətdə qeydiyyat elektron imza və ya mobil ID vasitəsilə həyata keçirilir. Ödəniş üçün "Webpay", "Mastercard" və "Visa" ödəniş sistemlərindən istifadə etmək təklif olunur.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.