bp-Azerbaijan-ın Azercell-dən imtina etməsinin səbəbi nədir?

28-08-2009 / 14:13

Daha öncə də məlumat verdiyimiz kimi, bp-Azərbaycan şirkəti Azercell Telekom MMC-nin xidmətindən imtina edib, nisbətən ucuz tarif siyasəti yeridən Bakcell-ə keçib.

Şirkətin ictimaiyyətlə əlaqələr şöbəsinin rəhbəri Tamam Bayatlı bu haqda Xeberler.az-a bildirib ki, qəbul edilən təcrübəyə əsasən partnyorların seçilməsi zamanı tender keçirilib. Daha sərfəli şərtlər təklif edənlərin xeyrinə seçim edilib. Məlum olub ki, tenderə hər üç mobil operator - Azercell, Azərfon (Nar Mobile) və Bakcell şirkətləri qatılıb.Sonuncunun rabitə xidmətinin qiyməti aşağı olduğundan qalib də o olub.

Azercell şirkətinin korporativ ünsiyyət və sosial məsuliyyət bölümünün rəhbəri Ülviyyə Həsənzadə isə mətbuata deyib ki, bp şirkəti kimi müştərini itirmək xoş deyil. Lakin bu, sağlam rəqabət əsasında olub. Onun sözlərinə görə, tenderdə digər mobil operatorlar kimi «Azercell» şirkəti də güzəşt paketini təqdim edib: «Ancaq tenderi Bakcell şirkəti udub. Bizim bazarda sağlam rəqabət hökm sürür. Tenderi Bakcell udubsa, biz onları təbrik edirik!"

Ü.Həsənzadə deyib ki, bp şirkəti Azərbaycana gələn gündən Azercell-in xidmətindən istifadə edib: «Əgər onu bəyənməsəydi, servislərini münasib bilməsəydi, bu günə qədər Azercell-də qalmazdı. O ki qaldı indi Bakcell-i seçməsinə, ola bilər, bu şirkətin hansısa şərtlərini münasib bilinib. Azercell də maraqlı təkliflərlə çıxış etmişdi".

Hazırda heç bir şirkətin buna bənzər tender elan etmədiyini deyən bölüm rəhbəri hansısa nüfuzlu qurumun Azercell-in servislərindən imtinası ilə bağlı müraciətin də daxil olmadığını qeyd edib.

Bölüm rəhbəri onu da vurğulayıb ki, bp şirkətinin heç də bütün işçiləri digər mobil operatora keçməyib: «Elə işçilər var ki, hələ Azercell-in servisindən istifadə edir".

 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.