“bp-Azerbaijan” şirkəti “Azercell” operatorunun xidmətindən imtina etdi!

27-08-2009 / 10:54

Şirkət “Azercell” operatorunun xidmətindən imtina edərək, qiymətləri nisbətən aşağı olan “Bakcell”ə keçdi

Bu həftə “bp-Azerbaijan” şirkətinin əməkdaşlarına “Azercell” operatorunun xidmətindən imtina etmək və qiymətləri nisbətən aşağı olan “Bakcell”ə keçmək təklif olunub. Şirkətdəki mənbədən “Turan”a verilən məlumata görə, “Azercell” nömrələrini saxlamaq istəyənlər rabitə xidmətləri haqqını artıq özləri ödəməli olacaq.

Qeyri-rəsmi məlumatlara görə, bu, yüzlərlə telefon nömrəsi deməkdir.Məlumatı “Turan”a şərh edən bp-nin ictimaiyyətlə əlaqələr şöbəsinin rəhbəri Tamam Bayatlı “Azercell” nömrələrindən imtina barədə məlumatı təsdiq edib: «Qəbul edilmiş təcrübəyə əsasən, partnyorların seçilməsi zamanı tender keçirilir və daha sərfəli şərtlər təklif edənlərin xeyrinə seçim edilir.

Tender bu yaxınlarda keçirilib və başqa mobil rabitə partnyorunun seçilməsi sırf kommersiya maraqları ilə izah olunur. Tenderdə üç mobil rabitə operatoru - «Azercell», «Bakcell» və «Azerfon» iştirak edib. Tender iştirakçılarından yüksək texniki zəmanətlər, BTC boru kəmərinə xidmət üzrə rabitəyə yüksək zəmanət, üstün rouminq xidmətləri və təbii ki, aşağı xidmət qiymətləri tələb olunurdu. Tender komissiyası «Bakcell»in təkliflərini daha münasib sayıb».


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.