Daha 10 KOB subyektinə “Startap” şəhadətnaməsi verilib

01-10-2022 / 09:41

Kiçik və Orta Biznesin İnkişafı Agentliyi (KOBİA) tərəfindən daha 10 mikro və kiçik sahibkarlıq subyektinə “Startap” şəhadətnaməsi verilib. Bununla da “Startap” şəhadətnaməsi almış KOB subyektlərinin sayı 68-ə çatıb.

Xeberler.az məlumat verir ki, “Startap” şəhadətnamələri "Smartap" MMC-nin satınalmalar üçün onlayn platforması, "BID TAXI" MMC-nin taksi xidmətinin mobil tətbiq üzərindən təşkili, “MeContest” sosial şəbəkə platforması, "Selenium Co." MMC-nin “GarderApp” geyim və aksesuarların satışı üçün marketpleys, “ShiftCon” metavers platforması üzərindən xidmətlər, “Avto İnfo" MMC-nin Azərbaycan ərazisində işlənmiş avtomobillərin tarixçəsinin yoxlanılması üçün informasiya sistemi (servis, sığorta və sair), tikinti üçün 3D printerlərin istehsalı, istismarı və satışı, “MetaStudio” metavers virtual oyunların hazırlanması və satışı, "BOOST" MMC-nin onlayn platforma üzərindən “influenser marketinq” xidməti, "İndi Market" MMC-nin mobil tətbiq üzərindən çatdırılma xidməti layihələri üçün təqdim edilib.

“Startap” şəhadətnaməsi KOB subyektlərini şəhadətnaməni aldıqları tarixdən etibarən innovasiya fəaliyyətindən əldə etdikləri gəlirlər üzrə mənfəət və gəlir vergisindən 3 il müddətinə azad edir.

Layihələri inkişaf mərhələsində olan mikro və kiçik sahibkarlıq subyektləri “Startap” şəhadətnaməsi üçün KOBİA-ya müraciət edə bilərlər. Müraciət üçün ərizə forması və lazım olan digər sənədlər, eləcə də müvafiq meyarlarla bağlı ətraflı məlumatla aşağıdakı linkdən tanış olmaq olar: https://smb.gov.az/az/nav/startap-sehadetnamesi


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.