Ekologiya və Təbii Sərvətlər Nazirliyinin hazırladığı Portalın demo versiyasının təqdimatı olub

19-04-2019 / 18:34

Bu gün Vətəndaşlara Xidmət və Sosial İnnovasiyalar üzrə Dövlət Agentliyi yanında Elektron Xidmətlərin Təşviqi üzrə İctimai Şuranın növbəti Toplantısı keçirilib.

Elektron Hökumətin İnkişafı Mərkəzində baş tutan toplantıda Ekologiya və Təbii Sərvətlər Nazirliyinin hazırladığı Portalın Demo versiyasının təqdimatı olub.

İctimai Şuranın kordinatoru Osman Gündüzün verdiyi məlumata görə toplantıda İctimai Şuranın üzvləri və adı çəkilən qurumların məsul şəxsləri, İT sektorun nümayəndələri və ekspertlər iştirak edib.

Elektron Hökumətin İnkişafı Mərkəzinin rəhbəri Fariz Cəfərov və Ekologiya və Təbii Sərvətlər Nazirliyinin Aparat rəhbəri Vüqar Kərimov toplantıda çıxış ediblər.

İctimai Şuranın üzvləri təqdim edilən saytın təkmilləşdirilməsi üçün xeyli təkliflər irəli sürüblər. Nazirliyin rəsmiləri irəli sürülən təkliflərin mühüm əhəmiyyət kəsb etdiyini və hər bir təklifin diqqətlə nəzərdən keçiriləcəyini bildiriblər.

Nazirlik rəsmiləri təkmilləşdirmə işlərini apardıqdan sonra yaxın günlərdə saytın geniş ictimaiyyətə təqdim ediləcəyini bildiriblər.

 Xeberler.az

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə