Elektron xidmətlərin sayı artır

27-07-2012 / 18:27

Azərbaycanda Elektron hökumət portalına yeni xidmətlər inteqrasiya olunub.

Rabitə və İnformasiya Texnologiyaları Nazirliyindən Xəbərlər-ə verilən məlumata görə, Gənclər və İdman, Ekologiya və Təbii Sərvətlər nazirlikləri və Müəllif Hüquqları Agentliyi Elektron hökumət Dövlət İnformasiya Sisteminə (EHDİS) qoşulub. Gənclər və İdman Nazirliyi tərəfindən təqdim olunan 3, Ekologiya və Təbii Sərvətlər Nazirliyinin göstərdiyi 1 və Müəllif Hüquqları Agentliyinə məxsus 1 elektron xidmətlər portala inteqrasiya edilib.

Gənclər və İdman Nazirliyi tərəfindən göstərilən xidmətlərə fəxri adların verilməsi üçün təqdimat, gənclər təşkilatları layihələrinin qismən maliyyələşdirilməsi ilə bağlı Nazirlik tərəfindən elan olunmuş müsabiqəyə dair şərtlər, gənclərin beynəlxalq tədbirlərdə iştirakı ilə bağlı anket forması və qeydiyyat forması daxildir.

Ekologiya və təbii sərvətlər sahəsinə dair «elektron xidmət» Ekologiya və Təbii Sərvətlər Nazirliyinin səlahiyyətlərinə aid edilmiş mal və materialların idxalına və ixracına razılığın verilməsini əhatə edir.

Elektron hökumət portalına inteqrasiya edilən növbəti «elektron xidmət» isə Müəllif Hüquqları Agentliyinin təqdim etdiyi müəllif hüquqlarının «elektron qeydiyyat»ından ibarətdir. Bu xidmət sayəsində müəllif hüquqlarının qeydiyyatının elektron qaydada həyata keçirilməsi təmin olunur.

Nəticədə, hazırda «Elektron hökumət» portalında 22 dövlət qurumu 120 xidmət göstərir.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.