E - HÖKUMƏT

Bu gün Vətəndaşlara Xidmət və Sosial İnnovasiyalar üzrə Dövlət Agentliyi yanında Elektron Xidmətlərin Təşviqi üzrə İctimai Şuranın toplantısı keçirilib.

Toplantıda İctimai Şuranın kordinatoru Osman Gündüz ictimai-sosial əhəmiyyət kəsb edən xdimətlərin istifadəyə verilməzdən öncə İctimai Şurada müzakirəsinin mühüm əhəmiyyət kəsb etdiyini diqqətə çatdırıb. 
Bu baxımdan elektron xidmətlər sahəsində uğurlu addımlar atan Dövlət Gömrük Komitəsinin yeni hazırladığı “Elektron növbə” xidmətinin də istifadəyə verilməzdən öncə Ictimai Şurada müzakirəsinin faydalı olacağını vurğulayıb.

DGK-nin sədr müavini İqbal Babayev DGK –da aparılan islahatlar haqqında qısa məlumat verdikdən sonra adı çəkilən elektron xidmətin əsas mahiyyəti və üstünlükləri haqqında danışıb. 
O, xidmətin gömrük sistemində aparılan islahatlar çərçivəsində hazırlandığını qeyd edib və əsas məqsədin sərhəd-keçid məntəqəsində keçid prosesini sürətləndirmək və vətəndaş məmnunluğuna nail olmaqdan ibarət olduğu vurğulayıb.


Bu elektron xidmətin hazılanmasında çalışan DGK –nın əməkdaşları xidmətin təqdimatını ediblər.
Onlar sərhəddə növbədə gözləmək istəməyən vətəndaşların “Elektron növbə” xidmətindən istifadə etməklə , həm özü və həm də avtomobili üçün daha sürətli keçidlə bağlı zəruri olan addımları təqdim ediblər.

Xidmətin əsasən üç hissədən ibarət olduğu bilidirilib :
1. Elektron növbə
2. Sürətli keçid
3. CİP 

Elektron növbə qabaqcadan onlayn növbə götürməklə, sadəcə sərhəd-keçid zonasına girişi nəzərdə tutur. 

Sürətli keçid isə hər hansı növbə gözləmədən girişi və növbə gözləmədən bütün sənədləşmə poseduralarının keçirilməsi və avtomobilin də növbədənkənar, qabaqcadan müəyyən olunan vaxtda keçməsini nəzərdə tutur.

CİP xidmətlər isə vətəndaş üçün əlavə xsimətlər təqdim edilməklə ( rahat gpözləmə, yeməklə təminat və s.) qabaqcadan seçdiyi vaxtda, xüsusi əməkdaşların köməyi ilə sərhəd-keçid məntəqəsindən keçməsini nəzərdə tutur.

Adı şəkilən xdimətlər ödənişlidir. 


Təqdimatdan sonra müzakirələr başlayıb. İctimai Şura üzvləri Əliməmməd Nuriyev, Hafiz Həsənov, Sabit Bağırov, Rüstəm Həsənov və başqaları xidmətin mahiyyəti ilə bağlı, hər üç xidmət üçün müəyyən olunan ödənişin məbləği ilə bağlı, vətəndaşın məlumatlandırılması ilə bağlı , daha rahat interfeys təqdim edilməsi ilə bağlı, ödəniş sistemində alternativliyin təmin edilməsi ilə bağlı, keçid məntəqəsindəki real vəziyyətin qabaqcadan elan edilməsi ilə bağlı təkliflər veriliblər.

Xüsusilə də 1-ci və 2-ci xidmətlərin ödənişinin vətəndaşlar üçün daha əlaçatan olması ilə bağlı müzakirələr aparılıb.

DGK təmsilçiləri müzakirələrin səmərəli olduğunu və daxil olan təkliflərə diqqətlə yanaşılacağını bildiriblər.

Qeyd olunan təklif və rəylər nəzərə alınmaqla Elektron növbə xidmətinin ilin sonunadak istifadəyə verilməsi nəzərdə tutulub.
Toplantıda VXSİ Dövlət Agentliyi yanında Elektron Hökumətin İnkişafı Mərkəzinin direktoru Fariz Cəfərov, VXSİ Dövlət Agentlinin nümayəndələri və digər əlaqəli şəxslər iştirak edib.

                                                                                                        Xeberler.az