“Elektron təhsil” müsabiqəsinin qalibləri açıqlanacaq

22-12-2015 / 19:44

“Elektron təhsil” Respublika müsabiqəsinin qalibləri dekabr ayının sonunda elan olunacaq.
 
Təhsil Nazirliyinin nəzdində Təhsil Sisteminin İnformasiyalaşdırılması İdarəsindən Xeberler.az-a verilən məlumata görə, müsabiqəyə təqdim olunmuş 900 layihədən 207-si nominant olaraq seçilib və növbəti mərhələyə buraxılıb.
 
Həmin layihələr münsiflər heyəti tərəfindən onlayn qiymətləndirilib. Müəllim və şagird istiqamətləri üzrə 6 nominasiyada təşkil olunan müsabiqəyə ümumi təhsil müəssisələrinin pedaqoji heyəti, pedaqoji kadrların ixtisasartırması və yenidənhazırlanması ilə məşğul olan qurumların  metodist mütəxəssisləri və məktəblilər qatılıblar.
 
Qeyd edək ki, “Elektron təhsil” tədris prosesində informasiya texnologiyalarından fəal istifadə edən  müəllimlərin fəaliyyətini dəstəkləmək, ən yaxşı elektron tədris vəsaitlərini geniş istifadəçi auditoriyasına tanıtmaq, internetin imkanlarından istifadə etməklə həyata keçirilən yeni tədris üsulları barədə ölkənin təhsil ictimaiyyətini məlumatlandırmaq, tədrisdə İKT-nin tətbiqinin yeni formalarını axtarmaq, təhsil müəssisələrində elektron resurslardan istifadəni genişləndirmək, müəllim və şagirdləri elektron resurslar yaratmağa və hazır resurslardan istifadəyə stimullaşdırmaq məqsədi daşıyır.
 
Müsabiqə Dr.Web, AzEduNet, Ultra, Təhsildə İnnovativ Texnologiyalar, Əlavə Təhsil Mərkəzi, Edumedia Azərbaycan və Nar Mobile tərəfindən dəstəklənir.
 
2010-cu ildən etibarən keçirilən müsabiqəyə indiyə qədər, ümumilikdə, 5000-dən artıq layihə təqdim edilib.
 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.