Google yeni sosial şəbəkə yaradıb!
"Google" korporasiyası Britaniyanın Strateji Dialoq İnstitutu (Institute for Strategic Dialogue), ABŞ-dakı "Gen Next Foundation" xeyriyyə fondu və "Rehabstudio" informasiya texnologiyaları şirkəti ilə birlikdə yeni sosial şəbəkə yaradıb.
"The Wall Street Journal"a istinadən bildirir ki, "Aganist Violent Extremism" (AVE) adlanan sosial şəbəkə terrorizm və ekstremizm qurbanları üçün nəzərdə tutulub.
AVE-ə sabiq terrorçularla terror qurbanlarının təcrübələrini bölüşərək insanları təhlükədən qorumaları nəzərdə tutulub.
Belə servisin yaradılması ideyası "Google"un tədqiqat bölməsi olan "Google İdeas"ın Dublində keçirdiyi "Against Violent Extremism" sammitində yaranıb.
Sammit iştirakçıları qərara aldılar ki, sabiq terrorçular təhlükəli situasiyalarda insanların necə davranmaları ilə bağlı məsləhət verməklə yanaşı, başqa adamları da terrorçu, ekstremist və ya neonasist qruplaşmalara daxil olmaqdan qoruya bilərlər.
"Əksər hallarda ekstremisti doğru yola yönəltmək üçün həlledici amil onun əməllərini pisləmək deyil. Əksinə, ona başqa həyat, başqa iş və başqa dostların olduğunu göstərmək lazımdır", - İsveçdə sabiq neonasistlərin reabilitasiyası ilə məşğul olan "Exit Sweden" təşkilatının rəhbəri Robert Orel deyib.
Günay
