E-TİCARƏT

Ödəniş sahəsi üzrə rəqabətin kəskin olduğu bir şəraitdə Goldenpay/Hesab.az rəqiblərindən ciddi şəkildə fərqlənməyi həmişə bacarmışdır. İstər ödənişlərin rahatlığı, təhlükəsizliyi, sürətliliyi baxımından istərsə də, həyata keçirdikləri müxtəlif faydalı kampaniyalar ilə daim istifadəçilərin yüksək rəğbət və təqdirini qazanmışdır.

Xeberler.az bildirir ki, Visa ilə Hesab.az-ın birlikdə həyata keçirdikləri kampaniyalar həmişə uğurlu şəkildə nəticələnmişdir. Yenidən əməkdaşlıq etməklə mövcud olduqları bazarda sahib olduqları istifadəçi, müştəri kütləsinə faydalı, qazandıran kampaniya etməyi nəzərdə tuturlar. Minlərlə istifadəçinin qazanacağı kampaniyaya artıq bu gündən etibarən Hesab.az saytı üzərindən başlanıldı.

Kampaniya haqqında qısaca məlumat vermək istərdik ki, Hesab.az-da qeydiyyatlı olaraq 18 Dekabr - 18 Yanvar tarixlərində saxlanılan Visa kart ilə edilən ödənişlərdə ilk 4000 nəfər növbəti ödənişlərində istifadə edə biləcəkləri 7 AZN dəyərində Hesab Koin qazanacaqlar. Qeyd edək ki, Visa ilə Hesab.az əməkdaşlığı iki ay ərzində mərhələli şəkildə olmaqla davam edəcək.

1-ci mərhələdə iştirak edib qalib olan istifadəçilər 2-ci mərhələyə haqq qazanmış olurlar. 2-ci mərhələdə kampaniya şərtlərinə uyğun olaraq iştirak edərək qalib olan istifadəçilər dəyərli hədiyyə qazanacaqlar.

Dekabr ayında başlayan ilkin mərhələdən sonra 2-ci mərhələyə dərhal qoşulma imkanı olacaq və 2-ci mərhələnin Fevralın 28-də bitməyi nəzərdə tutulur. Həm fərqli, həm də yenə də qazandıracaq kampaniyada yüksək istifadəçi fəallığı olmağı gözlənilir. Kampaniya haqda ətraflı məlumat: https://hesab.az/#/visa

Hesab Koin “Qazananlar Klubu” çərçivəsində istifadəçilərə təklif olunan onlayn ödənişlər üçün nəzərdə tutulan Hesab.az-ın virtual məhsulu hesab olunur.

Məlumat üçün bildirək ki, “Qazananlar Klubu” Hesab.az-ın sadiqlik proqramı çərçivəsində təqdim etdiyi proqramdır və Hesab.az-da qeydiyyatlı olan yaxud yeni qeydiyyatdan keçən bütün istifadəçilər “Qazananlar Klubu”-na avtomatik qoşulurlar və ödənişləri müqabilində bonuslar toplaya və ya seçimi dəyişərək Hesab Koin qazana bilirlər. “Qazananlar Klubu” çərçivəsində istifadəçilər qazandıqları bonusları “Dərhal dəyiş” bölməsində sərfəli kampaniya və endirimlərə dəyişə bilirlər və ya növbəti ödənişləri üçün istifadə edə biləcəkləri Hesab Koinlər qazanırlar.

“Qazananlar Klubu”-nun yaxşı tərəflərindən biri də odur ki, istifadəçilər Hesab.az-da seçimlərini hər zaman dəyişə bilərlər, lakin qazandıqları bonuslar və Hesab Koinlər bu dəyişiklikdən heç bir şəkildə təsirlənmir.