E-TİCARƏT

Hər zaman istifadəçilərini sevindirmək üçün fərqli kampaniyalar təqdim edən Hesab.az Dekabr ayından etibarən Bakcell və Visa kimi böyük şirkətlərlə istifadəçilərinə faydalı, qazandıran kampaniyalar təqdim etmişdir.

Məlumat üçün qeyd edək ki, Visa ilə Hesab.az-ın birlikdə həyata keçirdikləri kampaniyanın 1-ci mərhələsi yüksək istifadəçi fəallığı ilə uğurla tamamlandı. Kampaniya haqqında qısaca məlumat vermək istərdik ki, Hesab.az-da qeydiyyatlı olaraq 18 Dekabr – 25 Yanvar tarixlərində saxlanılan Visa kart ilə edilən ödənişlərdə ilk 4000 nəfər növbəti ödənişlərində istifadə edə biləcəkləri 7 AZN dəyərində Hesab Koin qazandılar.

Azərbaycanda onlayn ödəmələr sahəsində lider olan Goldenpay/Hesab.az onlayn xidmətlər platforması ilə Azərbaycanın İlk Mobil Operatoru və Aparıcı Mobil İnternet Provayderi Bakcell şirkətinin birgə təqdim etdiyi kampaniya da uğurla başa çatdı. Kampaniyada 16 Dekabr – 19 Yanvar tarixləri arasında qeydiyyatlı şəkildə Hesab.az-dan Bakcell nömrələrin balansını artıran istifadəçilər iştirak etdilər.

Kampaniya ərzində “Ulduzum” kodu ilə edilən Bakcell ödənişlərində Hesab.az istifadəçiləri 2-QAT Hesab Koin və ya Bonuslar, həm də etdikləri ödəniş məbləğinə görə həmin an əlavə hədiyyə dəqiqə və ya megabayt qazandılar.