“Media açarı-2009” mükafatının təqdimat mərasimi keçirilib

22-07-2009 / 12:39

Dünən “Media açarı-2009” mükafatının təqdimat mərasimi keçirilib. Bu münasibətlə “Yeni nəsil” Jurnalistlər Birliyi, Demokratik Jurnalistlər Liqası və Azərbaycan Jurnalistlər Birliyinin birgə təşkilatçılığı ilə keçirilən tədbirdə Demokratik Jurnalistlər Liqasının sədri Yadigar Məmmədli bildirib ki, bu il yalnız siyasət və sosial mövzu nominasiyaları üzrə “Media açarı” müəyyənləşdirilməyib.

“Yeni nəsil” Jurnalistlər Birliyinin sədri Arif Əliyev isə müsabiqənin 1997-ci ildən başlayaraq hər il keçirildiyini qeyd edib. A. Əliyev bu il “Media açarı”nın xüsusi mükafatlarının hazırlandığını deyib. Daha sonra xüsusi mükafatlar sahiblərinə təqdim olunub. Bu mükafatlar “Yuğ” Dövlət Teatrının baş rejissoru Vaqif İbrahimoğlu, tədbirin əsas sponsoru “Azercell” şirkətinin prezidenti Əli Ağanın nümayəndəsinə təqdim olunub. «Azercell» şirkətinin “Bizi birləşdirən dəyərlər” adlı xüsusi mükafatı isə “Mədəniyyət” qəzetinin yazarı Aydın Xana təqdim olunub.

Daha sonra müxtəlif nominasiyalar üzrə “Media açar”ları və xüsusi mükafatlar təqdim edilib. Mədəniyyət nominasiyası üzrə “525-ci qəzet”in əməkdaşı Aysel Əlizadə, idman nominasiyası üzrə “Futbol+” qəzetindən Mahir Rüstəmov, insan haqları nominasiyası üzrə “Bizim yol” qəzetindən Aynur Elgünəş, iqtisadiyyat nominasiyası üzrə “Üç nöqtə» qəzetindən Pünhan Əfəndiyev, reportaj janrı üzrə “Azadlıq” qəzetindən Səbuhi Məmmədli, foto-illüstrasiya janrı üzrə “AzərTAC” agentliyinin dünyasını dəyişmiş fotoqrafı Oqtay Məmmədov, publisistika janrı üzrə “Azadlıq” radiosundan Sevda İsmayıllı, jurnalist araşdırması üzrə “Azadlıq” radiosundan Babək Bəkir “Media açarı” alıb. Münsiflər heyətinin xüsusi mükafatına isə “Mediaforum” portalından Aynur İmanova, “Zerkalo” qəzetindən Çingiz Sultansoy, “Azadlıq” qəzetindən Arzu Abdulla, APA informasiya agentliyindən Rəşad Süleymanov layiq görülüblər.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.