"Falcon 9" raketi bazar günü Avropanın SES S.A. telekommunikasiya operatorunun üç "O3b mPOWER" rabitə peykini orbitə çıxarıb.
Xeberler.az bildirir ki, bu barədə "SpaceX" şirkəti məlumat yayıb.
"Üç O3b mPOWER peykinin orbitə çıxarılması təsdiqlənib", - məlumatda deyilir.
"Boeing Co." korporasiyası tərəfindən yaradılmış "O3b mPOWER" peykləri qlobal miqyasda yüksəksürətli internetə çıxışı təmin etmək və mobil rabitə xidmətləri göstərmək üçün nəzərdə tutulub.
Lüksemburqda qeydiyyatdan keçmiş SES kommersiya sektoruna, hökumət strukturlarına xidmətlər göstərir, həmçinin silahlı qüvvələr üçün yüksək səviyyədə qorunan rabitə kanalları təqdim edir. Bu, dünyada ikinci ən böyük peyk operatorudur.
Buraxılış ABŞ-nin Şərq sahili vaxtı ilə saat 14:49-da Florida ştatındakı Kanaveral burnunda yerləşən ABŞ Kosmik Qüvvələri bazasının 40-cı start kompleksindən həyata keçirilib. Peyklər buraxılışdan təxminən 50 dəqiqə sonra müəyyən edilmiş orbitə çıxıb.
Qeyd edək ki, 2022-ci ilin dekabrında "SpaceX" raketi "O3b mPOWER" peyklərinin ilk cütlüyünü orbitə çıxarıb. Hazırkı buraxılış da nəzərə alınmaqla, orbitdə artıq bu tip 13 aparat var.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları