Microsoft məhsullarında boşluq tapana 15 min dollar ödəyəcək

10-06-2016 / 11:54

Microsoft .NET Core və ASP.NET Core RC2 Beta məhsullarında aşkar edilmiş boşluqlar üçün 15 min dollar məbləğində mükafat vəd edir.

Belə ki, bu həftə Microsoft şirkəti .NET Core və ASP.NET Core RC2 Beta məhsullarında aşkar edilmiş boşluqlar üçün yeni mükafatlandırma proqramına başlayıb.

Xeberler.az RYTN-in elektron xəbər xidmətinə istinadən məlumat verir ki, mükafatlandırma proqramı cari ilin 7 iyun tarixindən 7 sentyabr  2016-cı il tarixinədək qüvvədə olacaq.

İstehsalçı aşkar edilmiş boşluq üçün 500 ABŞ dolları məbləğində minimum mükafat vəd edir. Maksimum mükafat 15 min dollar təşkil edəcək.

Şirkət məhsullarını mükafatlandırma proqramına əlavə etməklə proqramların yekun versiyasının buraxılışından öncə tədqiqatçılar cəmiyyətindən maksimum rəy almağa ümid edir.

Mükafatlandırma proqramı .NET Core, ASP.NET Core RC2 Beta və bu proqramların sonrakı versiyalarına şamil olunur. Proqramda iştirak etmək istəyən tədqiqatçılar Windows, OS X və Linux platformalarında işləyən .NET Core, ASP.NET Core RC2 Beta adlı proqramlarda aşkar edilmiş boşluqlar haqda hesabatlarını göndərə bilərlər.

Mükafatlandırma proqramında iştirak edən proqramları bu linkdən  yükləmək olar.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.