AVADANLIQ

Novosti-Azərbaycanın məlumatına görə, Azərbaycanın Müdafiə Nazirliyi öz tabeliyində olan ixtisaslaşdırılmış təhsil müəssisələri üçün 40 InterWrite Learning interaktiv avadanlıq dəsti alıb.

Rahat istifadə üçün InterWrite Learning proqram təminatı Azərbaycan dilinə tərcümə edilir.
Azərbaycanda InterWrite Learning texnologiyası Bakutel-2008  Beynəlxalq İnformasiya Texnologiyaları sərgisində SİNAM şirkətinin stendində nümayiş olunub.

İnterWrite Learning interaktiv avadanlığına interaktiv InterWrite Board lövhəsi, interaktiv simsiz planşet - InterWrite Pad, özündə monitor və rəqəmsal planşet - InterWrite Panel-in funksiyalarını birləşdirən interaktiv maye-kristal displey, interaktiv InterWrite Cricket sorğu sistemi, InterWrite Software proqram təminatı daxildir.

Texnologiya müəllimin kompüterindən interaktiv lövhəyə informasiyanı çıxarmağa imkan verir. Bu informasiya mətn, qrafik və ya multimedia formasında ola bilər.
Interaktiv simsiz planşetlərin köməyi ilə şagirdlər öz suallarını verə bilər, müəllimin suallarına cavab verə bilər, sualların müzakirəsində iştirak edə bilərlər. Beləliklə, müəllim və şagirdlər arasında interaktiv dialoq alınır ki, bu da təhsilin səviyyəsinin yüksəlməsinə və təhsil alanların materialları daha yaxşı anlamasına səbəb olur.