İlon Maskın kosmik şirkəti “SpaceX”, “Starlink” peyk internet xidmətinin dünya üzrə 4 milyondan çox insana qoşulma təmin etdiyini açıqladı.

Xeberler.az məlumat verir ki, X sosial media platformasında verdiyi açıqlamada SpaceX, 4 milyon “Starlink” müştərisinin 100-dən çox ölkə, bölgə və digər bazarları əhatə etdiyini bildirib.

Cəmi bir neçə ay əvvəl, mayın 20-də “Starlink” 3 milyondan çox müştəri ilə əlaqə saxladığını elan etdi. Bu o deməkdir ki, seqment cəmi 4 ay ərzində 1 milyon müştəri əlavə edib.

“Starlink”, 2020-ci ildə məhdud beta internet xidmətinə başladıqdan sonra ilk dəfə 2022-ci ilin dekabrında 1 milyon abunəçiyə çatdı.