Uber Bakıda nəğd ödənişə keçdi

04-06-2016 / 12:30

Bu gündən etibarən  Bakıda  Uber-lə etdiyiniz gedişləri nəğd və ya kredit kartı ilə ödəyə biləcəksiniz.

Xeberler.az-a şirkətin rəmi məlumatına istinadən bildirir ki,  Uber ilə səyahət ödənişini artıq  nəğd ödəyərək də təcrübə edə bilərsiniz.

Əgər nəğd ödəmək istəyirsinizsə,  sadəcə NƏĞD funksiyasını seçin, gediş edin və səyahətin sonunda ödənişi birbaşa sürücüyə təqdim edin.

Şirkət qeyd edib ki, hazırda yeni xidmət sınaq edildiyi üçün tətbiqdən istifadə zamanı yeni funksiyanı görməyə bilərsiniz.

Məlumatda bildirilib, bir neçə həftə ərzində hər bir  istifadəçi üçün aktivləşdiriləcək.

Niyə Bakı?

Şirkət Bakıda nəğd ödənişə keçməyinin səbəbini də açıqlayıb:

"Bakı Uberin qlobal şəbəkəsində Rusiyanın bəzi şəhərləri ilə eyni tarixdə nəğd ödəmə üsulunun test edildiyi bir neçə şəhərdən sadəcə biridir. Kifayət qədər kredit kartı istifadəçisi mövcud olmasına baxmayaraq, şəhərdə əməliyyatların 90%-in nəğd ödəniş üsulu ilə baş tutduğunu bilmək sizi təəccübləndirə bilər. Bakıdakı Uber istifadəçiləri artıq rahat və təhlükəsiz nəqliyyat vasitəsinə sahibdir, nəğdin aktivlədirilməsi isə daha çox Bakı sakinlərinin bu xidmətdən yararlanmasına kömək edəcək".

 Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.