PROQRAMLAR

Müştəriləri müqavilə ilə işləyən şəxsi avtomobil sürücüləri ilə birləşdirən taksi çağırma proqramı Uber-dən artıq yalnız  fərdi məqsədlə yox, bir çox şirkətin işçiləri tərəfindən də istifadə edilir.

Bunu nəzərə alaraq Uber  yeni sistem  yaradıb.

Xeberler.az xarici mətbuata istinadən məlumat verir ki, Uber  təqdim etdiyi yeni sistemlə  sərnişinlərini taksi sifariş edərkən  fərdi və şirkət adından xidmətə  görə ayıracaq.

Belə ki, Uber sərnişinləri  xidməti fərdi istifadə üçün sifariş edərsə, ödənişi öz kartları üzərindən edəcək.

İş üçün sifariş  edəndə isə  ödəniş zamanı sistemdə Business Profiles ( iş profilini ) seçir və bu zaman ödəniş birbaşa şirkət tərəfindən ödənilməsi üçün yönləndirilir.

Business Profiles  ilə  işçilər taksi ödənişi üçün nağd pulla ödəniş edib, qəbz götürməyə vaxt sərf etməyəcək. Çünki şirkət tək bir səhifə üzərindən işçilərinin getdiyi bütün yerləri,  təqdimat  və qəbuledilmə kimi fəaliyyətləri idarə edə biləcək. Bununla yanaşı, şirkət sahibləri işçiləri üçün Uber-ə bəzi şərtlər də qoya bilər.

Yəni,  şirkət sistemdə özünə uyğun vaxtları müəyyən edə bilər. Məsələn, “sadəcə həftə içi və iş saatlarında istifadə icazəsi ver” və ya ”sadəcə  işdən sonra , 21:00-dan sonra “ kimi şərtlərlə ximətdən istifadə  edə biləcək. 

Xeberler.az