TƏDBİRLƏR

Şəhər üzrə avtomobil sifarişi üçün mobil tətbiq hazırlayan Uber beynəlxalq texnologiya şirkəti Bakıda Sevgililər gününə həsr olunmuş “UberSERENADA” adlı birgünlük aksiyanı uğurla başa çatdırıb.

Belə ki, fevralın 14-də saat 12:00-dan 16:00-dək hər bir Uber istifadəçisinə “UberSERENADA” opsiyası vasitəsi ilə öz sevgililəri üçün serenada sifariş vermək və peşəkar musiqiçilərin köməyi ilə öz məhəbbətlərini etiraf etmək imkanı yaradılıb.

Şirkətdən Xeberler.az-a verilən məlumata görə, gün ərzində avtomobil yollarında yüksək aktivliyə baxmayaraq Uber-in müasir texnologiyaları sayəsində sürücülər sifarişlərin qəbul olunmasından bir neçə dəqiqə sonra ifaçıları sifariş olunan ünvanlara çevik çatdırıb.

Serenadaları peşəkar musiqiçilər və musiqi qrupları ifa ediblər – vokal ansambllar, gitaraçılar, saksofonçular – onlar sevgiyə aid “Can't take my eyes off you” (Frenki Valli), “Ya tebya lyublyu” (Adriano Çelentano), “Historia de un Amor” (Lus Kasal) kimi dünyaca məşhur musiqi kompozisiyalarını ərsəyə gətiriblər. İfaçılar arasında "Jam Group”, “The owl and the lark”, “Retro Jazz Band” qrupları, və gitaraçı Fəxri olublar. Unudulmaz ifadan başqa, musiqiçilər sevgililərə Uber-dən xatirə hədiyyələri təqdim ediblər.

Qeyd edək ki, “UberSERENADA” opsiyasını Bakı şəhərinin administrativ sərhədləri çərçivəsində istifadə etmək mümkün idi, fevral ayının soyuq hava şəraitini nəzərə alaraq musiqiçilər əksər hallarda serenadaları qapalı məkanlarda ifa ediblər. “UberSERENADA” mənzillər, kafe və restoranlar, kinoteatrlar, gözəllik salonları, ticarət mərkəzləri və bu kimi yerlərə sifariş olunub. “UberSERENADA” aksiyasından 21 cütlük istifadə edib.

Günel