“Xalq kompüteri” layihəsinə start verilir

10-04-2009 / 13:51

Bu gün “Xalq kompüteri” layihəsinin başlanması ilə bağlı təntənəli mərasim keçiriləcək. Tədbirdə Azərbaycan Respublikası rabitə və informasiya texnologiyaları naziri Əli Abbasov, təhsil naziri Misir Mərdanov, HP şirkətinin Azərbaycandakı nümayəndəliyinin rəhbəri Rüfət Hacıəlibəyov, Microsoft Azərbaycan şirkətinin baş meneceri Teymur Axundov və digər dəvət olunmuş qonaqlar iştirak edəcək. Tədbirdə layihə ilə bağlı iştirak edən tərəflərin sənədin imzalanması da gözlənilir.

Layihə çərçivəsində əvvəlcə 5 tip kompüter və noutbukların güzəştli şərtlərlə təqdim olunması planlaşdırılır. “Xalq kompüteri” layihəsindən ilk olaraq orta məktəb müəllimləri yararlana biləcəklər.

Qeyd edək ki, layihənin ümumi konsepsiyası bir sıra mühüm dövlət proqramlarına, o cümlədən “Elektron Azərbaycan” Dövlət Proqramına və “2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı”-na tam uyğundur.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə