İntel korporasiyası əsası Londonda qoyulan Opened Hand şirkəti ilə müqavilə imzaladı. Opened Hand firması Linux əməliyyat sistemi və mobil qurğular üçün istifadə olunan serverlər əsasında ixtisaslaşdırılıb. İntel Open Source Technology Center-ə birləşdikdən sonra Opened Hand onun bölmələrindən biri olacaq və Linux əsasında portativ qurğular üçün proqram platformasının yaradılması ilə bağlı Moblin layihəsinin reallaşmasında birgə fəaliyyət göstərəcəklər.
Logitech şirkəti gücləndirici ilə quraşdırılmış inteqral mobil musiqi pleyeri təqdim edib. Pleyeri ev şəbəkəsindən istifadə edərək işə saldıqdan sonra kompüterdə, internet-radiolarda, eləcə də Rhapsody, Last.FM, Slacker, Pandora və Sirius kimi abonent xidmətlərində olan istənilən musiqi kompozisiyalarını dinləmək olar. Squeezebox Boom pleyeri MP3, FLAC, WMA, WMA Lossless, AAC, Apple Lossless, WAV AIFF formatları ilə işləyir.
Adobe şirkəti rəqəmli foto və videoların üzərində işləmək üçün Adobe Premiere Elements və Photoshop Elements 7.0 versiyalarını buraxıb. Proqramları ayrılıqda və ya birlikdə - bir bağlamada əldə etmək mümkündür. Bu proqram istifadəçilərinin Photoshop.com resursuna çıxışı olacaq. Buradan onlar şablonlar yükləyə, faydalı məsləhətlər və dərslər ala bilərlər.
Internetdə belə bir məlumat yayılıb ki, sentyabrın 9-da Apple yeni məhsullar təqdim etməyə hazırlaşır. Məşhur onlayn resursu Digg.com-un yaradıcısı Kevin Rouz öz bloqunda xəbər verir ki, Apple, iTunes proqramının səkkizinci versiyasını təqdim etmək fikrindədir. Proqram yeni funksiyalarla təchiz olunacaq. Qeyd olunur ki, iTunes 8.0 istifadəçilərin üstünlüyünü göstərəcək və kompüter istifadəçisinə musiqi seçimi barədə tövsiyələr verəcək.
Beynəlxalq kosmik stansiyanın portativ kompüterlərinə virus düşüb. “Bu, nadir hallarda baş verir, lakin birinci dəfə deyil” - ABŞ-ın kosmik idarəsinin təmsilçisi Kelli Xempriz bəyan etdi.
Sony Ericsson şirkəti PlayNow Arena servisinin köməyi ilə mobil telefonlar üçün musiqilər, oyunlar, şəkillər və mətnlər buraxdı. Arena-nın diqqət çəkən xüsusiyyəti musiqiləri surətçəxarmadan qorumayaraq çıxarmasıdır. Yəni musiqinin surətini asanlıqla çıxarıb yaymaq mümkündür.
NVIDIA videokartların qiymət məsələlərində öz mövqeyini möhkəmlətmək üçün keyfiyyət baxımından sələfi GeForce 8 Series-dən iki dəfə böyük olan yeni GeForce 9400 GT qrafik adapterini buraxdı. Yeni adapter Windows Vista-nın bütün tələblərinə cavab verən, G96 videoçipi əsasında qurulan, DDR2 yaddaşlı, 512 Mb həcmli, 128 bitlik interfeysdən ibarət olan qurğudur. Bununla belə, sürətləndirici, PCI Express 2.0 х16 şinindən istifadə edir, 550/1400/400 tezliyində, 50 Vt maksimal gücü ilə işləyir.
Canon şirkəti PowerShots sırasından olan yeni üç model təqdim etdi - A1000 IS, A2000 IS və E1. Hər üç model optik stabilizatora malikdir və AA standartlı batareyalarla qidalanır. E1 modeli retro şəkildədir. 10 meqapikselli sensorla, 4 tərəfli zumla, 2,5 düymlük ekranla təchiz olunub. Funksiyalara üzü tanıma və Easy Mode rejimi daxildir ki, onun vasitəsilə hərəkət zamanı işıqlandırmadan asılı olan ekspozisiyalar ən əlverişli vəziyyətə gətirilir.
Panasonic şirkəti yaxınlarda Blu-ray rekorderinin və videomaqnitofonunun imkanları ilə üst-üstə düşən DMR-BR630V universal qurğusunun satışına başlamağı planlaşdırır. Panasonic DMR-BR630V Blu-ray formatı, sürəti 6x olan optik ötürücü və DVD qoymaq imkanı ilə təchiz olunub.
Mozilla.org qrupu Firefox brauzeri ilə JavaScript-in kodunun işləməsini sürətləndirən TraceMonkey adlı yeni texnologiya təqdim edib. TraceMonkey JavaScript-in işləməsi üçün JIT-kompilyator (Just-In-Time) təqdim edir. Mozilla əməkdaşlarının fikrincə, Firefox JavaScript-lə işləyən zaman TraceMonkey sistemi onun səmərəliliyini yeddi dəfə və daha çox artırır.
Mançester universitetinin əməkdaşlarının apardığı araşdırmalara görə, hazırda inkişaf etməkdə olan ölkələrin yarım milyona yaxın sakini internet oyunlarla pul qazanır. Oyunçunun qazandığı virtual vasitələri digər oyunçuya satması daha geniş yayılmış üsuldur.
Müxtəlif audio-formatlarla işləmək üçün yeni proqram fəaliyyət göstərməyə başlayıb. LameXP 3.03 böyük imkanlara malik olan pulsuz kiçik proqramdır. Onun əsas funksiyası audiofaylları bir formatdan digərinə çevirməkdir.
Diskeeper Corporation, istifadəçiləri vacib məlumatların təsadüfən itməsindən xilas edən Undelete 2009-un yeni versiyasını yaradıb. Undelete 2009, InvisiTasking texnologiyasının sayəsində silinmiş faylları fon rejimində, saniyələr ərzində bərpa edir.
Process Explorer proqramının yeni versiyası buraxılıb. Process Explorer 11.21 mahiyyətcə Windows sisteminin əməliyyatlarının yerinə yetirilməsi üçün informasiya mənbəyi hesab olunur. Bu proqramın köməkliyi ilə itmiş prosesləri tapmaq, prosessorun və operativ yaddaşın yüklənməsini idarə etmək mümkündür. Proqramın interfeysi ikipəncərəli şəkildədir.
V-Talking – mobil qoşulmalar və xəbərlərin şifrələnməsinin monitorinqi ilə yerli və qlobal şəbəkələr üçün çoxfunksiyalı çat və forumdur. Işləməsi həm serverlə müştəri arasında, həm də müştərilər arasında həyata keçirilir. Çatda inzibatçılıq, saxlanılmış məlumatlar, faylların ötürülməsi, reputasiya sistemi, istifadəçilər üçün informasiya, şəbəkə əhatəsi, akkauntlar, avatarlar (kiçik şəkillər), skinlər (bunun vasitəsilə proqramın xarici görünüşünü dəyişmək olar) və s. mövcuddur. Yeni versiyada:
Microsoft Live Labs keyfiyyətli ponoram təsvir almaq və onları yaymaq üçün müştərilərə Photosynth-in əlverişliliyi haqqında elan verdi. Əməliyyat yüksəkkeyfiyyətli Seadragon təsvirləri texnologiyası - renderinq üzərində qurulur və bir nöqtədən çəkilən, üçölçülü şəkil yaradan fotopeyzajların yığımını birləşdirməyə imkan verir.
Topware Interactive kompüter oyunları istehsalçı firması şəbəkədə Dream Pinball 3D oyununu yerləşdirən Londonlu İzabella Barvinskaya qarşı iddia qaldıraraq məhkəmədə qalib gəlib. Məhkəmə Barvinskadan maddi ziyana və firmanın məhkəmə xərclərinə görə 16 min funt (təqribən 32 min dollar) məbləğində cərimə ödəməyi tələb edib.
Microsoft-un yeni əməliyyat sistemi olan Windows 7–də korporasiyanın 2500 işçisi çalışır. Bu haqda yaxınlarda açılmış E7 bloqunun baş meneceri Stiven Sinofski xəbər verir. Onun dediyinə görə, Windows 7-nin proqramçılari 25 komandaya bölünərək gələcək proqram platforması üzərində işləyirlər.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları