E - HÖKUMƏT

Azərbaycan Respublikasının yuxarı dərəcəli .az milli domen zonasında qeydiyyatdan keçmiş domenlərin sayı durmadan artır.

Domen qeydiyyat saytı olan Whois.az-ın məlumatına əsasən 2010-cu ilin iyunun 18-nə qədər olan nəticələrə əsasən 10 min 222 domen qeydiyyatdan keçib.Bu cari ilin 11 yanvarında elan olunmuş saydan 994 domen çoxdur.Cari ilin 11 yanvarındakı nəticələrdə 9278 domenin qeydiyyatdan keçdiyi bildirilirdi.

İkinci dərəcəli əsas domen adlarında qeydiyyatdan keçmiş ünvanların sayı üzrə vəziyyət aşağıdakı kimidir: com.az (540 domen), net.az (65), int.az (53), gov.az (61), org.az (81), .edu.az (90), .info.az (21), .pp.az (52).

.mil.az, .bilesuvar.az, .sumgait.az, .zaqatala.az, .imishli.az, .gence.az, pro.az və .shusha.az. kimi domen zonalardan isə indiyə qədər hər birində bir domen olmaqla qeydiyyat prosesi aparılıb.Qeyd edək ki, bunların arasında .shusha.az domeni yeni ikinci dərəcəli domen zonası kimi istifadəyə verilib.

Məlumat üçün bildirək ki, .az domen zonası Azərbaycanda movcud olan və ya onunla əlaqədə olan obyektlər üçün istifadə olunur. 1993-cü ilin 25 avqustunda ICANN tərəfindən .az domen zonasının istifadəyə verilməsi haqda qərar qəbul olunub. // xeberler.az/Ellada