Azərbaycan nümayəndə heyəti WSIS 2009 Forumunda iştirak edir

18-05-2009 / 14:08

Azərbaycan rabitə və informasiya texnologiyaları naziri Əli Abbasovun rəhbərlik etdiyi nümayəndə heyəti bu gün İsveçrənin Cenevrə şəhərində başlayan İnformasiya Cəmiyyəti üzrə Dünya Sammiti Forumunda (WSIS 2009) iştirak edir.

May ayının 22-dək davam edəcək tədbir artıq İnformasiya Cəmiyyəti üzrə Dünya Sammitinin qərarlarının icrası üzrə yüksək səviyyədə ənənəvi toplantıya çevrilib. Xatırladaq ki, İnformasiya Cəmiyyəti üzrə Dünya Sammiti iki mərhələdə keçirilib: 2003-cü ilin dekabr ayında Cenevrədə və 2005-ci ilin noyabr ayında Tunisdə.

Tədbirlərdə informasiya cəmiyyətinin problemlərini müzakirə etmək məqsədilə bir çox ölkələrin rəhbərləri iştirak ediblər. Bu gün ki Forum isə İnformasiya Cəmiyyəti üzrə Dünya Sammitinin bütün iştirakçıları tərəfindən yığılmış məsələlərin həlli istiqamətində məsləhətləşmələr keçirmək üçün əlverişli şərait yaradır.

Forumda RİTN nümayəndəsi “Azərbaycan Respublikasında kibertəhlükəsizliyin təmin olunmasının hüquqi aspektləri” mövzusunda məruzə ilə çıxış edəcək.

Qeyd edək ki,Cenevrə şəhərinə səfəri zamanı Azərbaycan nümayəndə heyəti həmçinin bir sıra ikitərəfli görüşlər keçirəcək.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.