Azərbaycan Beynəlxalq Telekommunikasiya İttifaqının Ali Şurasına üzvlük üçün namizədliyini təqdim edib

02-06-2010 / 05:08

Azərbaycan Rabitə və İnformasiya Texnologiyaları Nazirliyinin nümayəndə heyəti Beynəlxalq Telekommunikasiya İttifaqının növbəti səlahiyyətli konfransında iştirak edəcək.

RİTN-in Beynəlxalq əlaqələr və qeyri-hökumət qurumları ilə iş şöbəsinin müdiri Ayaz Bayramov «APA-ECONOMICS»ə bildirib ki, oktyabrın 4-22-də Qvadalaxarada (Meksika) keçiriləcək konfransda Azərbaycan Beynəlxalq Telekommunikasiya İttifaqının Ali Şurasına Şərqi Avropa regionundan üzv olmaq üçün namizədliyini təqdim edib.

A.Bayramov Azərbaycan nümayəndə heyətinin konfransda nazir Əli Abbasovun başçılığı ilə iştirak edəcəyini istisna etməyib.

Qeyd edək ki, səlahiyyətli konfrans BTİ-nin siyasətin təkmilləşdirilməsinə cavabdeh olan ali orqanıdır. Dörd ildə bir dəfə keçirilən konfransda BTİ-nin ümumi siyasəti, dörd illik strateji və maliyyə planları müəyyən edilir. Bununla yanaşı, konfransda təşkilatın yüksək səviyyəli rəhbərliyinin, şuranın və Radioreqlamentar Komitənin üzvlərinin seçkiləri keçirilir.

Konfrans çərçivəsində BTİ üzvü olan ölkələr təşkilatın gələcəkdəki rolu və onun informasiya-kommunikasiya texnologiyalarının dünya üzrə inkişafına göstərə biləcəyi təsiri müəyyən edəcək.


ŞƏRHLƏR


OXŞAR XƏBƏRLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.