Azercell və Bakcell-ə 3G lisenziyası verilməsi barədə qərar qəbul olundu

02-11-2011 / 12:29
Rabitə və İnformasiya Texnologiyaları Nazirliyinin 2011-ci ilin 9 ayının yekunlarına həsr olunmuş kollegiya iclası keçirilib.

xeberler.az-ın nazirliyin rəsmi saytına istinadən verdiyi məlumata görə, iclasda rabitə və informasiya texnologiyaları naziri Əli Abbasov bu ilin 9 ayı ərzində informasiya-kommunikasiya sektorunda çox böyük artımın qeydə alındığını bildirib və bu sektorun çox dinamik inkişaf etdiyini deyib.

Nazir cari ilin 9 ayında sektorun ayrı-ayrı sahələrində həyata keçirilən islahatlardan danışıb, gələcəkdə bu sektorda əldə olunacaq gəlirlərin ölkə iqtisadiyyatının inkişafına güclü təsir göstərəcəyini qeyd edib.

Kollegiyada 2011-ci ilin 9 ayı ərzində sektor üzrə qeydə alınan nəticələr barədə məruzə dinlənilib. Qeyd olunub ki, ötən dövr ərzində İKT sektorunda artım tempi 12,4%, o cümlədən, telekommunikasiya sektorunda 8,3%, İT sektorunda 1,6 dəfə, informasiya sektorunda isə 38,8% təşkil edib.

Məlum olub ki, hesabat dövründə mobil abunəçilərin sayı 10 milyona yaxın, əhalinin hər 100 nəfərinə düşən kompüterlərin sayı 15, internet istifadəçilərinin sayı isə 60-a bərabər olub. Bu, dünya üzrə orta göstəriciləri 2 dəfədən çox üstələyir.

Sonra məruzə ətrafında RİTN-in bir sıra birlik və müəssisələrinin rəhbərləri çıxış ediblər.
Kollegiyada həmçinin Azercell Telecom və Bakcell operatorlarına 3G mobil rabitə xidməti göstərməsi üçün lisenziyaların verilməsi ilə bağlı qərar qəbul edilib, eyni zamanda, nazirliyin müvafiq qurumlarına və ölkədə fəaliyyət göstərən 3 mobil operatora dünyada ən müasir 4G (LTE) mobil rabitə xidmətinin tətbiqi üçün texniki və hüquqi normalara uyğun təkliflərin verilməsi tapşırılıb.

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.