Cari ilin sentyabr ayının 3-4 tarixlərində Qazaxıstanın paytaxtı Astana şəhərində Regional Rabitə Birliyinin Rəqəmsal Yayım üzrə Koordinasiya Qrupunun növbəti 11-ci iclası keçiriləcək. Azərbaycan tərəfdən iclasda Rabitə və İnformasiya Texnologiyaları Nazirliyinin Teleradio İstehsalat Birliyi və Dövlət Radiotezliklər İdarəsindən mütəxəssislər iştirak edəcəklər.
Tədbirdə RRB-in iştirakçı dövlətlərində rəqəmsal yayıma dair bir sıra aktual məsələlərin və Koordinasiya Şurasının cari ildə gördüyü işlərin müzakirə olunacağı nəzərdə tutulub. Bundan əlavə iclas iştirakçıları öz ölkələrində DVT-T standartlı rəqəmsal yayımın tətbiqinə dair təcrübə və planları barədə məlumat mübadiləsi aparacaqlar.
Əsas diqqət isə Regional Rabitə Birliyinin Rabitə Administrasiyalarının Başçıları Şurası tərəfindən cari ilin may ayında təsdiq olunmuş 174-230 MQs və 470-862 MQs tezliklərinin zolaqlarında rəqəmsal yayım üçün yeni tezlik verilmə/ayrılmaları və planlı tezlik verilmə/ayrılmalarının modifikasiyası haqqında Tövsiyəyə dair işlərin yekunlarına ayrılacaq.Bundan əlavə tədbir boyu rəqəmsal yayımın tətbiqi üzrə perspektiv texnologiyalarının nəzərdən keçirilməsi, təcrübəli yayım zonalarının sınaqdan keçirilməsi nəticələri haqqında məlumat mübadiləsi, qəbuledici-verici avadanlığın təhlili və digər məsələlərin müzakirə olunacağı planlaşdırılır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları