MDB-nin 2030-cu ilədək informasiya təhlükəsizliyi strategiyası müzakirə olunub

18-05-2021 / 15:54

Azərbaycan Rabitə Administrasiyası Regional Rabitə Birliyinin (RRB) İnformasiya Cəmiyyətinin İnkişafı və Rəqəmsal Transformasiya Komissiyasının 9-cu iclasında iştirak edib.

Xeberler.az bildirir ki, ölkəni tədbirdə nəqliyyat, rabitə və yüksək texnologiyalar nazirinin müavini Elmir Vəlizadə təmsil edib.

İclasda 2025-ci ilədək olan dövr üçün informasiya cəmiyyətinin qurulması və inkişaf etdirilməsində MDB ölkələri arasında əməkdaşlıq strategiyasının həyata keçirilməsindəki irəliləyiş və onun həyata keçirilməsinə dair 2025-ci ilədək fəaliyyət planı nəzərdən keçirilib.

Gündəliyə, həmçinin MDB-nin 2030-cu ilədək informasiya təhlükəsizliyi strategiyasının həyata keçirilməsinə dair fəaliyyət planına baxılması da daxil edilib.

RRB komissiyasının iclası ilə yanaşı, RRB telekommunikasiya operatorları şurasının 40-cı iclası da keçirilib.

Tərəflər RRB iştirakçıları ölkələrində rəqəmsal inkişaf sahəsində perspektivli istiqamətləri, rəqəmsal iqtisadiyyat proqramlarının həyata keçirilməsində operatorların fəaliyyətinin prioritet sahələrini və digər məsələləri müzakirə ediblər.

İclasda Belarus, Qazaxıstan, Monqolustan, Rusiya, Tacikistan, Türkmənistan, Özbəkistan və Ermənistandan olan RRB rabitə administrasiyalarının nümayəndələri, eləcə də RRB telekommunikasiya operatorları şurasının nümayəndələri iştirak ediblər.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.