Gələn ilə qədər Azərbaycanda rəqəmsal yayımın əhatə səviyyəsi 65 faizə çatacaq.
Bunu Rabitə və İnformasiya Texnologiyaları Nazirliyinin dövlət müəssisələrinin fəaliyyətinin əlaqələndirmə şöbəsinin baş məsləhətçisi Qulam Abdullayev Regional Rabitə Birliyinin (RRB) Rabitə Administrasiyaları Başçıları Şurasının 43-cü iclasında bəyan edib.
Onun sözlərinə görə, hazırda Azərbaycanda rəqəmsal yayım səviyyəsi 35 faiz təşkil edir: “Son illər Azərbaycanda rəqəmsal yayıma keçmə ilə əlaqədar işlər görülüb. Bu istiqamətdə müvafiq proqram işlənib hazırlanıb və reallaşdırılır. Artıq Bakıda iki ötürücü quraşdırılıb. Onların köməyi ilə 22 telekanalın MPEG 4 (Moving Picture Experts Group) formatda yayımı həyata keçirilir. Bundan əlavə, Naxçıvan, Gəncə, Lerikdə ötürücülərin quraşdırılması işlərinə başlanıb. Hazırda Azərbaycanda rəqəmsal yayım əhatəsi 35 faiz təşkil edir. Bu ilin sonuna qədər bu göstərici 65 faizə çatacaq”.
Q. Abdullayev bildirib ki, 2012-ci ilin sonuna qədər Azərbaycanı rəqəmsal yayımla tam əhatələmək və analoq yayımını dayandırmaq planlaşdırılır: “Azərbaycan əhalisinə iki rəqəmsal yayım paketi təqdim olunacaq ki, bunlardan biri sosial olacaq”.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları