Azərbaycan şirkətləri elektronika və kompüter sahəsində keçirilən tədbirdə iştirak edib

07-12-2021 / 21:14

Dekabrın 7-də Hindistanın Bakıdakı səfirliyi dekabrın 7-də Hindistanın Elektronika və Kompüter Proqramları İxracının Təşviqi Şurası (ESC) ilə birlikdə elektronika və kompüter avadanlığı/proqram təminatı məhsulları üzrə B2B vebinar təşkil edib.

Xeberler.az-ın məlumatına görə, səfirlikdən bildirilib ki, Hindistanın müstəqilliyinin 75 illiyi çərçivəsində keçirilən bu tədbirə Hindistan və Azərbaycanın elektronika məhsulları və kompüter proqramları istehsal edən müxtəlif iri şirkətlərin 35-dən çox nümayəndəsi qatılıb.

Elektronika və Kompüter Proqramları İxracının Təşviqi Şurası (ESC) Elektronika, Telekommunikasiya və Proqram təminatı sənayesini (məişət elektronikası, elektron komponentlər, alətlər, telekommunikasiya avadanlıqları və xidmətləri, kompüter avadanlığı, proqram təminatı və informasiya texnologiyaları ilə əlaqəli xidmətlər daxil olmaqla) əhatə edən 2000-dən çox istehsalçı və ixracatçının Hindistanda ən ali qurumu olub, Hindistan ixracatçılarına, eləcə də elektronika və kompüter avadanlığı/proqram məhsullarının idxalı üçün Hindistanı seçən idxalçılara/beynəlxalq alıcılara yardım göstərir.

Tədbirin məqsədi iştirakçıları Hindistan elektronikası və kompüter avadanlığı/proqram təminatı məhsullarının təklif etdiyi imkanlar haqqında məlumatlandırmaq idi. Açılış nitqində Elektronika və Kompüter Proqramları İxracının Təşviqi Şurasının icraçı direktoru cənab Gurmeet Singh Hindistanın elektronika və kompüter məhsulları sənayesinin gücünü vurğulayıb və Hindistan hökumətinin bu sahədəki dövlət proqramları haqqında məlumat verib. O, həmçinin Azərbaycan şirkətlərini Hindistanda keçiriləcək tədbirlərdə iştirak etməyə dəvət edib.

Vebinarda çıxış edən Hindistanın səfiri B.Vanlalvavna qeyd edib ki, Hindistanın Azərbaycanla iqtisadi əlaqələrinin şaxələndirilməsi üçün geniş imkanlar mövcuddur. Onun sözlərinə görə, Hindistanın elektronika və proqram təminatı məhsulları artıq Azərbaycan bazarında tanınır, çünki Hindistandan mobil telefonlar, avtomatik tənzimləmə və idarəetmə cihaz və avadanlıqları, ofis avadanlığı və sair idxal olunur. O, daha sonra bildirib ki, Hindistanın elektronika və kompüter avadanlığı sektoru hər il 156 milyard ABŞ dollarından çox məhsul ixrac edir və bu sektorda iki ölkə arasında əlaqə və əməkdaşlığın genişləndirilməsi üçün geniş imkanlar mövcuddur.

Azərbaycanın statistikasına əsasən, 2021-ci ilin yanvar-oktyabr aylarında Hindistan və Azərbaycan arasında ikitərəfli ticarət dövriyyəsi 20,1 faiz artaraq 620,42 milyon dollar təşkil edib. Hindistan bu dövrdə Azərbaycanın 11-ci əsas ticarət tərəfdaşı olub. Azərbaycanın Hindistana ixracı 22,5 faiz artaraq 505,52 milyon dollar təşkil edib. Bu dövr ərzində, Azərbaycanın ümumi ixracatında Hindistanın payı 3 faiz təşkil edərək, Azərbaycanın 9-cu əsas ixrac istiqaməti olub. Azərbaycanın Hindistandan idxalı yanvar-oktyabr aylarında ötən ilin müvafiq dövrü ilə müqayisədə 10,5 faiz artaraq 114,90 milyon dollar təşkil edib.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.