Azərbaycan və Hindistan üçüncü ölkələrin İT bazarına çıxmaq istəyir

06-09-2019 / 17:35

Xeberler.az bildirir ki, “Azərbaycan və Hindistan üçüncü ölkələrin İnformasiya Texnologiyalar (İT) bazarlarında iştirakla bağlı müzakirələr aparır”.

Bunu  Azərbaycanda İxracın və İnvestisiyaların Təşviqi Fondunun (AZPROMO) prezidenti vəzifəsini icra edən Yusif Abdullayev bildirib.

Y.Abdullayev qeyd edib ki, bu ilin yayında Hindistandan gələn ticarət missiyaların iştirakı ilə biznes forum təşkil edilib: “Biznes forum çərçivəsində əldə edilmiş razılıqlara uyğun olaraq İT sektorunda fəaliyyət göstərən iki Hindistan şirkəti Bakıda ofislərini açmaq istəyirlər”.

Onun sözlərinə görə, Hindistanın dünyada İT sahəsində ön sıralarda olduğunu nəzərə alaraq Hindistanın Banqlador vilayətində fəaliyyət göstərən İT şirkətləri ilə birgə layihələrin həyata keçirilməsi müzakirə edilir: “Bununla yanaşı, AZPROMO-nun mütəxəsisləri ilə şirkətlərin nümayəndələri arasında görüşlər keçirilir və ortaq nöqtələr axtarılır ki, hansı sahələrdə biz üçüncü ölkələrin bazarlarında iştirak edə bilərik”. 

Xatırladaq ki, 2003-cü ildə İqtisadiyyat Nazirliyi tərəfindən yaradılan Azərbaycanda İxracın və İnvestisiyaların Təşviqi Fondu qeyri-neft sektorlarına xarici investisiyaların cəlbi və qeyri-neft məhsullarının ixracının stimullaşdırılması məqsədilə fəaliyyət göstərir. AZPROMO Azərbaycanın investisiya mühiti haqqında ətraflı məlumat toplamaq istəyən və investisiya yatırmaqda maraqlı olan xarici şirkətlərə “vahid pəncərə” funksiyası əsasında xidmət göstərir və dəstək verir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.