Azərbaycanda Lenovo kompüterlərin istehsalı nə vaxt başlayır?

18-07-2017 / 11:44

Məlumat verdiyimiz kimi, 2015-ci ildən Azərbaycanın kompüter avadanlığı istehsalçısı KÜR Tayvanın Acer şirkətinin brendi altında Mingəçevirdə kompüter istehsalına başlayıb.

Belə ki, Mingəçevir texnoparkının rezidenti  HI-Tech Invest  bu kompüter avadanlıqlarının istehsalını üzərinə götürüb.

Bir müddət öncə məlumat verilmişdi ki, artıq ilkin mərhələdə kompüterlər istehsal edilib. Acer şirkətindən növbəti detallar gəldikdən sonra yeni istehsala başlanacaq.

Xeberler.az olaraq hazırda bu istiqamətdə görülən işlərlə maraqlandıq.

HI-Tech Invest şirkətinin istehsal sahəsinin rəisi Orxan Nadirov bildirib ki, Acer şirkəti ilə birbaşa əməkdaşlıq çərçivəsində kompüterlərin yığımı davam edir.

Orxan Nadirov deyib ki, indiyədək Acer 7 modelləri istehsal edilib.  Onun sözlərinə görə, növbəti personal kompüterlər artıq yığılıb, monobloqlar və noutbukların  yığımı isə davam edir.

O, Lenovo məhsullarının da istehsal məsələsinə yenidən qayıdaraq qeyd edib ki, hələlik bu istiqamətdə işlərə başlanılmayıb.

Orxan Nadirov valyuta məzənnəsinin tez-tez dəyişməsinə görə kompütürlərin qiymət məsələsində heç bir artım olmadığını da nəzərə çatdırıb.

Qeyd edək ki, bu günə qədər satılan kompüterlərin qiyməti 600- 1000 AZN təşkil edib. Növbəti mərhələdə istehsal olunacaq avadanlıqların qiyməti hələlik məlum deyil.

HI-Tech Invest şirkəti Cənubi Qafqaz regionunda kompüter avadanlığı və elektronika montaj-line istehsal edən yeganə şirkətdir.

HI-Tech Invest Şirkət Yüksək Texnologiyalar Parkı-nın rezidenti statusunu almış və texnologiyalar parkının Mingəçevir filialında fəaliyyət başlayıb.  Şirkət   Mingəçevir  inkubasiya biznes mərkəzinin rezidentidir.

Məltəm Talıbzadə

 

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə