Azərbaycan və Nepal elektron xidmətlər sahəsində əməkdaşlıq edəcək

25-11-2021 / 18:24

Yaxın vaxtlarda Nepal və Azərbaycan hökumətləri arasında dövlət xidmətlərinin rəqəmsallaşdırılması sahəsində əməkdaşlıq memorandumunun imzalanması gözlənilir.

Xeberler.az bildirir ki, bunu Nepalın Asiya Diplomatiya və Beynəlxalq Münasibətlər İnstitutunun (AIDIA) təsisçisi və baş direktoru Sunil K.C. deyib.

Onun sözlərinə görə, hazırda sənədə Nepal Xarici İşlər Nazirliyi tərəfindən baxılılır.

"Memorandumun imzalanması Nepala "ASAN Xidmət"in analoji xidmətlərini tətbiq etməyə imkan verəcək ki, bu da, öz növbəsində, dövlət xidmətlərinin rəqəmsallaşdırılmasında əsas aspektə çevrilə bilər. Biz "ASAN Xidmət"in təklif etdiyi "elektron viza" xidmətini öyrənmişik və bu xidmət Nepalda istifadəyə verilən ilk elektron xidmət ola bilər. Nepal Cənubi Asiyada bu təcrübəni tətbiq edən ilk ölkə sayılacaq. Bundan əlavə, ASAN təcrübəsinin digər Cənubi Asiya ölkələrində də tətbiqi üçün potensial imkanlar var", - deyə Sunil K.C. qeyd edib.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.