Azərbaycanın bölgələrindəki ATS-lər ilin sonunadək tam elektronlaşacaq

24-10-2010 / 05:47

Azərbaycan regionlarına yüksək sürətli internet xəttinin çəkilməsi ilə bağlı işlər 2010-cu ilin sonunadək başa çatdırılacaq.

«APA-ECONOMICS»in məlumatına görə, bunu rabitə və informasiya texnologiyları nazirinin müavini İltimas Məmmədov bildirib. Onun sözlərinə görə, hazırda bu istiqamətdə işlər sürətlə davam etdirilir: «Ümid edirəm ki, bu ilin sonunadək Azərbaycanın bütün regionları yüksək sürətli internetdən istifadə edə biləcək».

İ.Məmmədov onu da bildirib ki, cari ilin sonunadək həmçinin regionlardakı ATS-lər tam elektronlaşdırılacaq: «Hazırda analoq avadanlıqların rəqəmsal avadanlıqlarla dəyişdirilməsi prosesi aparılır ki, ilin sonunda «Aztelekom» bu işləri başa çatdırmaq niyyətindədir». Nazir müavininin sözlərinə görə, hazırda Azərbaycanda ATS-lərin 86%-i elektronlaşdırılıb. Eyni zamanda, İ.Məmmədov artıq 2012-ci ildə ölkə ərazisində rəqəmsal televiziya yayımının tam tətbiq olunacağını da bildirib.


ŞƏRHLƏR


OXŞAR XƏBƏRLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.