E - HÖKUMƏT

«Aztelekom» İB-nin baş direktoru Məhəmməd Məmmədov «APA-ECONOMICS»ə bildirib ki, artıq Abşeronda NGN şəbəkəsinin qurulması işi aparılır. Hər iki şəhər və rayonda yeni şəbəkənin qurulması üçün keçirilən tenderin qalibi Azərbaycanın «Komplas» şirkəti olub. Şəbəkə qurulduqdan sonra Abşeronun mövcud 29 792 nömrə tutumu artaraq 50 136-a, Gəncənin mövcud 52 600 nömrə tutumu 60 888-ə, Sumqayıtın mövcud 54 348 nömrə tutumu 67 552-ə çatdırılacaq.
Qeyd edək ki, «Aztelekom» Azərbaycanın regionlarında ilk dəfə NGN texnologiyasını Şamaxıda tətbiq edib. «Elektron Azərbaycan» layihəsinin kiçik modeli kimi reallaşdırılan «Elektron Şamaxı»nın həyata keçirilməsi nəticəsində rayon mərkəzində və 23 kənd yaşayış məntəqəsində quraşdırılmış NGN şəbəkəsi ötən ilin sonunda əhalinin istifadəsinə verilib.
NGN texnologiyası istifadəçilərə İP-TV, video telefon, internet şəbəkəsinə sürətli qoşulma ilə yanaşı, əlavə 21 növ servis xidmətlərindən istifadə etmək imkanı verir. Həmin xidmətlər çıxış zənglərinin məhdudlaşdırılması, nömrənin bağlanması, zəngli saat, giriş zənglərinin məhdudlaşdırılması, birbaşa yönəltmə, cavab olmayanda yönəltmə, məşğulluq zamanı yönəltmə, ikinci zəngin qəbulu, nömrənin məşğulluğu zamanı məşğulluq bitdikdə hər iki tərəfə zəng göndərilməsi, üç və 64 nəfərlik konfrans rabitə, konfrans rabitə zamanı ikinci zəngin qəbulu, nömrənin təyin edilməsi, nömrənin gizlədilməsi, ehtiyatda olan nömrə gizlətmə və s-dir.
Mənbə: apa.az