Azercell bəzi bölgələrdə işləmir-Yenilənib

29-07-2016 / 13:44

Azərbaycanın aparıcı mobil rabitə operatoru olan Azercell Telecom şirkətinin  bəzi bölgələrdə xidmətində problem yaşanır.

Balakən, Zaqatala bölgəsindəki Azercell abunəçiləri Xeberler.az-a bildirib ki, artıq 3 saatdır ki, mobil operatorun şəbəkəsi işləmir. Belə ki, onlar  Azercell nömrəsi ilə telefon zəngi həyata keçirə bilmir. Azercell abunəçilərinin telefonunda “ No service” yazılıb.

Hazırda Balakəndə olan vətəndaşın Azercell nömrəsi ilə əlaqə saxlamağa çalşdıq. Zəng zamanı “ Bu nömrəyə zəng çatmır” mesajı verilir.

Əldə etdiyimiz məlumata görə, digər iki- Nar və Bakcell operatorlarının xidmətində problemlər yoxdur, şəbəkə normal işləyir.

Vətəndaşlar bildirir ki, hətta bəzi Azercell abunəçilərinin telefonunda Gürcüstanın mobil operatorlarını göstərir.

Məsələ ilə bağlı Azercell hələlik açıqlama verməyib.

***

Azercell şirkəti məsələ ilə bağlı Xeberler.az-a açıqlama verib.

Şirkətin mətbuat xidmətindən  verilən məlumata görə, həqiqətən də həmin ərazilərdə  Azercell-in xidmətləri bir müddət işləməyib.

Qeyd edilib ki, problem şəbəkədə aparılan təkmilləşdirmə işləri ilə əlaqədər olub . 

Məlumata görə. xidmətin təkmilləşdirilməsi ilə  bağlı görülən işlər  uzun sürməyəcək və Azercell-in fəaliyyəti qısa zamanda bərpa ediləcək.

***

Şirkət baş verən verən problemlə bağlı növbəti dəfə açıqlama verib.

Açıqlamada deyilir:

"29 iyul 2016-cı il tarixində səhər saatlarından etibarən, Zaqatala rayon Aşağı Tala kəndi ərazisində sakinlər tərəfindən traktor vasitəsi ilə aparılan işlər zamanı rabitə kabellərinin zədələməsi nəticəsində Zaqatala və Balakən rayonlarının inzibati ərazilərində yerləşən bəzi yaşayış məntəqələrində mobil rabitə şəbəkəsinin fəaliyyətində  müvəqqəti çətinliklər müşahidə oluna bilər. MC-dən asılı olmayan səbəblərdən baş vermiş hala görə təəssüf edir və bildiririk ki,  hal-hazırda həmin ərazidə mobil rabitə şəbəkəsinin tam normal fəaliyyətinin təmin edilməsi üçün tərəfimizdən təxirəsalınmaz tədbirlər görülərək, qısa müddət ərzində yaranmış çətinliklərin aradan qaldırlmasına nail olunacaq".

Həmin bölgələrdə yaşayan istifadəçilərdən aldığımız məlumata görə , hələ də Azercell işləmir. 

 

Günel


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.