Azercell-in prezidenti vəzifədən gedir

25-12-2014 / 13:07

2012-ci ilin sentyabrdan Azercell Telekom MMC-nin prezidenti vəzifəsini icra edən Kiril Qaburiç müqavilə müddətinin başa çatması ilə əlaqədar olaraq vəzifəsindən gedir. Məlumatı Azercell-in mətbuat xidməti yayıb. 

Kiril Qaburiç  14 ilə yaxın "TeliaSonera" qrupunda çalışıb, Azercell-dən əvvəl Moldcell şirkətinin prezidenti kimi fəaliyyət göstərib. 

TeliaSonera şirkətlər qrupunun vitse-prezidenti və Avrasiya regionunun prezidenti Erik Hallberg Azercell-in prezidenti vəzifəsindən Kiril Qaburiçin getməsi ilə bağlı açıqlama verib: “Müqaviləsinin qüvvədə olma müddəti başa çatarkən Kiril Qaburiçin Qrup xaricində yeni imkanlara doğru istiqamətlənməsi ərəfəsində mən ona il ərzində sərf etdiyi bağlılıq, zaman və səylərinə görə təşəkkürümü bildirmək istərdim. Mən böyük səmimiyyətlə ona gələcəkdə böyük uğurlar arzu edirəm. ”

2015-ci il yanvar ayının 5-dən, şirkətin təsisçisi yeni prezident təyin edilənəcən Azercell Telekom-un Hüquq Departamentinin rəhbəri Vahid Mürsəliyev  şirkətin prezidenti vəzifələrini icra edəcək.

Vahid Mürsəliyev 2005-ci ildə Azercell-də çalışır, şirkət prezidentinin Baş Müşaviri və Hüquq və İdarə İşləri Departamentinin direktoru da daxil olmaqla, müxtəlif rəhbər vəzifələri icra edib.

2000-2001-ci illərdə Vahid Mürsəliyev ABŞ-ın Case Western Reserve Universitetinin Korporativ İdarəetmə üzrə doktorluq dərəcəsini qazanıb. O, Beynəlxalq Hüquqşünaslar Assosiasiyasının üzvü və Beynəlxalq Ekoenergetika Akademiyasının doktoru Bakı Dövlət Universitetinin Hüquq fakültəsinin məzunudur.

Vahid Mürsəliyev
Vahid Mürsəliyev

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.