Azercell və Bakı Dövlət Universiteti əməkdaşlıq memorandumu imzalayıb

21-10-2015 / 15:59

Oktyabrın 21-də Bakı Dövlət Universiteti ilə Azercell Telekom mobil rabitə operatoru arasında əməkdaşlıq haqqında memorandum imzalanıb.

Xeberler.az bildirir ki, sənədi Bakı Dövlət Universitetinin rektoru, akademik Abel Məhərrəmov və Azercell Telekom MMC-nin prezidenti Vahid Mürsəliyev imzalayıblar.

Bu memorandumla Azercell Telekom şirkətinə “Tələbə Proqramı 2015” çərçivəsində Azərbaycanda təhsil alan tələbələrə aylıq təqaüd almaq imkanı təqdim olunacaq. Proqram üzrə qalib gələn tələbələr ali təhsillərinin sonunadək 200 manat məbləğində aylıq təqaüd, telekommunikasiya sahəsi üzrə biliklərini artırmaq imkanı, şirkətin korporativ tədbirlərində və sosial fəaliyyətində, müxtəlif təlimlərdə iştirak etmək və şirkətdə təcrübə keçmək şansını əldə edəcəklər.

Proqramda Azərbaycan ali təhsil ocaqlarının bakalavr pilləsinin son iki kursunda yaxşı qiymətlərlə təhsil alan Azərbaycan vətəndaşı olan tələbələr iştirak edə bilərlər.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.